الرئيسية > آش واقع > الناس كاعية بسباب متابعة متهم باغتصاب قاصرة ف حالة سراح فمراكش
30/03/2021 10:25 آش واقع

الناس كاعية بسباب متابعة متهم باغتصاب قاصرة ف حالة سراح فمراكش

الناس كاعية بسباب متابعة متهم باغتصاب قاصرة ف حالة سراح فمراكش

كريم الشركي – كود //

وجهات الجمعية المغربية لحقوق الإنسان فمراكش شكاية للوكيل العام للملك ديال محكمة الإستئناف، بسباب قضية إستدراج وإغتصاب قاصرة عمرها 15 عام بجماعة الاوداية فمراكش.

وقالت الجمعية أنها توصلات من أب الضحية، اللي ساكن فجماعة الأوداية، بمراسلة فيها شهادة طبية، كتبين أنه نهار الاحد 21 مارس، كانت بنتو، فوسط الدار  بالليل، هادشي خلا المتهم يدخل ويرغمها بالقوة باش تمشي معاه لمكان خالي.

وزادت المراسلة أن الاب نتابه لغياب بنتو، وخرج يقلب عليها عند الجيران والعائلة، وبعد ثلاث ساعات من البحث لقاو البنت اللي أكدات بأن المتهم تعدى عليها.

الأب دار شكاية للدرك الملكي، زتم اعتقال المتهم  وبعد تقديمه أمام النيابة العامة يوم الجمعة 26 مارس، قررات الاخيرة متابعته فحالة سراح مؤقت.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه