محمد  سقراط- كود

—

 
انها المنقذة في الأزمات، الحنونة في النكبات، الممتلئة في المآدب، الساحرة في السهرات، الفاتنة على أغلفة المجلات، المدمرة على شاشات القنوات، الرهيبة في صورها المسربة من الآيكلود، اعجوبة الدنيا الثامنة، أرقى ما وصلته النساء في سلم التطور، طبعا انها كيم كارديشان، من نافس خبر نشر صورها وهي عارية على غلاف مجلة خبر انزال المسبار الأوروبي على سطح مذنب.

 
المرأة التي اعادت الإعتبار للأنوثة، بعض أن أضاعتها النساء في بحثهن عن التساوي مع الرجل، المرأة التي أتبتث للعالم أنه يكفي أن يهب الله احداهن ترمة واعرة لتصنع بها المستحيل ولتغير بها العالم، نعم يمكن بترمة شديدة الإنسيابية والأستدارة، ممتلئة حد اللامعقول، لكنها منطقية حد الرعب، وفاتنة حد اثقال صبيب الأنترنيت في عدة أماكن، انها مؤخرة كيم.

 
كيقول واحد المثل مغربي، ” الراجل هو الكلمة والمرأة هي الترمة”، وهذا مثل جد حكيم، وكيوضع كل واحد فالموقع الطبيعي ديالو، كولشي كيعيب على كيم أنها بدون موهبة، أو مستوى أكاديمي، وأنها مكتستاحقش هاد الفلوس لي كتدخل وهاد الضجة لي كاتدير، ولكن كيم عندها موهبة أنها فاتنة كتشهي، وعندها حوض وسع السموات والأرض، غير قابلة للمقاومة، وعرفات أنها عندها داكشي وعاشت وفق حقيقة أنها كتشهي، وطبعا وصلات للعالمية، راه تكتبو عليها افتتاحيات فدايلي مايل و ألباييس ولو فيكارو وعدة جرائد عالمية مرموقة كتبوا عليها مالم يكتبونه على ماري كوري،لي خدات جوج نوبل.

 
بالنسبة لبنت خايبة خاصها تقرى وتبدل مجهود كبير فحياتها، باش تقدر تلقى رفيق الدرب يكون فيه مايتشاف، ولي يقدر يتنازل على الزين مقابل الصالير، والمعاونة فالمصروف، ولكن بنت زوينة بزاف يكفي أن تكون واعية بجمالها باش تعيش حياة زوينة، حيث الزين حبو الله، ولي مايحب الزين نفسو ميتة، والزين غالي فالسوق، كيبغي العناية والتهللو، وحتى الى مكاينش هنا لي يقدرو راه كيجيو إخوتنا فالخليج العربي، كيقدروه مزيان وكيتهلاو فيه وكيعناو بيه، ويعطونه حقه وقدره، وهنيئا لهم بما كسبوا، أما وجوه التشافير، فراه النهار وماطال وهوما يرددون لا لتشييئ المرأة، هادشي حيث ممساوهم حد، أما الإيقونة كيم فراه غي مؤخر الصداق ديالها، تعويض عن كل سنة قدره مليون دولار للعام، والقصر ديال كاني ويست يولي ديالها، وبوليصة التأمين ديالو تبقى ديالها واخا يتفارقو، قمة تشييئ المرأة، واعتبارها مؤخرة للإيجار، ولكن فالحقيقة راه ثمن الإيجار مايقدر عليه غي شكون وشكون، وعمرها تشكات لالا كيم من تشييئ المرأة، حيث ملي كيكون التشييئ بملايين الدولارات فراه كيولي زين وماشي أي وحدة تقدر تتشيئ بداك الثمن، أما التشييئ مقابل الخبز و أتاي، هاداك ربما هو لي كيتشكاو منو هادوك صحابات لا لتشييئ المرأة.