الرئيسية > كود سبور > المنخرطين ديال الرجاء غايراسلو البدراوي باش يعقد اجتماع جديد من بعدما دار معهم وماجاش
21/03/2023 14:54 كود سبور

المنخرطين ديال الرجاء غايراسلو البدراوي باش يعقد اجتماع جديد من بعدما دار معهم وماجاش

المنخرطين ديال الرجاء غايراسلو البدراوي باش يعقد اجتماع جديد من بعدما دار معهم وماجاش

كود سبور//

كيعرف برلمان الرجاء الرياضي غليان وتشنج فعلاقتو مع الرئيس عزيز البدراوي اللي مازال ما برك مع المنخرطين باش يوضح لهم شنو واقع فالأمور التسييرية بالنادي، وهذه العلاقة زادت توترhت من بعدما اعتذر لهم فآخر لحظة قبل من موعد اجتماع كان غايحضرو معهم.

عزيز البدراوي غاب على الاجتماع اللي نظموه المنخرطين البارح بأحد فنادق مدينة الدار البيضاء لأسباب شخصية، وهذا الأمر جعل عدد المنخرطين يشككوا فنوايا رئيس النادي اتجاههم واش بالفعل باغي يبرك معهم باش يلقاو حلول للمشاكل ديال النادي.

مصدر مطلع، أكد أن هيئة المنخرطين كلفت لجنة من عندها باش تبدا تنسق ما بين المنخرطين وتناقش المشاكل داخل الرجاء، وأن المنخرطين غايراسلو الرئيس عزيز البدراوي مرة خرى باش يعقد معهم اجتماع جديد، ومتمسكين بحقهم داخل النادي وانهم يدافعو على مصلحة الفريق.

المنخرطين ديال الرجاء باغيين يعرفو علاش ناوي عزيز البدراوي كرئيس ديال النادي، حيث كل مرة كيروج بالمحيط ديالو أنه غايقدم الاستقالة من رئاسة النادي، وأيضا باغيين يعرفو فين وصلت الاستقالة الشفوية اللي كان لوح بها واش قدمها على أرض الواقع ولا مازال.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري