الرئيسية > كود سبور > المنتخب المغربي طلع فتصنيف عالمي من بعد التأهل لربع نهائي المونديال
07/12/2022 10:05 كود سبور

المنتخب المغربي طلع فتصنيف عالمي من بعد التأهل لربع نهائي المونديال

المنتخب المغربي طلع فتصنيف عالمي من بعد التأهل لربع نهائي المونديال

كود سبور//

كيواصل المنتخب الوطني المغربي تصلق المراتب على المستوى العالمي وهادشي من بعدما نجح فالتأهل لربع نهائي مونديال 2022، ملي ربح البارح منتخب إسبانيا بالبيلانتيات فثمن النهائي وتأهل.

وطلع المنتخب الوطني المغربي فتصنيف “فوتبول راكينك” ملي بدأ كأس العالم وصعد من المركز 22 إلى المركز 20، ومن بعدها للمركز 15 واليوم صعد للمركز 14 من بعدما تأهل لربع النهائي وتحصل على 75.22 نقطة جديدة.

وقدر المنتخب الوطني المغربي يتأهل لأول مرة فالتاريخ ديالو لربع نهائي كأس العالم قطر  2022، من بعدما ربح إسبانيا فماتش بطولي تألق فيه لكول ياسين بونو اللي حبس جميع البيلانتيات ديال الإسبان، وهاكدا تأهل المغرب لدور 8 وعادل إنجاز الكامرون فمونديال 1990، والسنغال عام 2022، وغانا 2010، بالنسبة للأفارقة أما عربيا فصبح أول منتخب عربي كيوصل للربع فكأس العالم.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم