نجوى المالحي-كود//
المحكمة برآت الممثلة نجاة الوافي من تهمة الخيانة الزوجية بعدما شدوها هي والمخرج سعيد خلاف فدار فكازا وخلاو ليها تهم اخرى بحال التشجيع على الفساد. فهاد الوقت كامل كاع الممثلين ضربو الطم ماسمعنا حد دوا على الموضوع لا من قريب ولا من بعيد.
لكن هاد اليوماين الممثلة فرح الفاسي مرات الممثل عمر لطفي خرجات بتدوينة في انستكرام كتنتاقد الناس والصفحات الانستگرامية حيت ماتداولوش خبر الحكم والبراءة كيفما تداولوه وقت الاعتقال.
وكتبات فرح “اوا نشرو الخبر بحال لي نشرتوه في الأول. أو الخبر ماشي مزيان المهم هو الفضيحة.. الله يلطف بينا من هاد القوم”.
