نجوى المالحي- كود//
الفنانين حافظين بعضياتهم وكيعرفو الوجه الحقيقي ديال كل واحد فيهم بحكم المدة طويلة لي كيدوزوها مجموعين في التورناج. هادشي خلا الممثلة أحلام الزعيمي تكشف الوجه غير المعروف ديال الممثل سعيد التغماوي لي مشهور في ميريكان وكيشارك في أعمال عالمية.
أحلام قالت في حلقة “عندي ما يفيد” أن التغماوي عصبي وكيغوت ودخلات فيه طول وعرض، وأكدات أنه عنيف وتقدر تقولها ليه في وجهو.
وقالت بطلة “حياتي” أنها مثلات مع التغماوي وفي واحد لقطة جرها من شعرها، وأكدات كون مكانش التمثيل كون وراتو علاش كيقلب.
وطالبت أحلام بالاعدام لكل واحد كيعنف العيالات ووصفاتهم بالحيوانات.