نجوى المالحي-كود//

وقع الاختيار على المغني سليمان خريج برنامج “دا فويس” ديال فرانسا في 2016 باش يغني الأغنية الرسمية ديال “Les Restos du Coeur” في 2021.

هاد العام وبسباب جايحة كورونا لي ضربات العالم وتلفاوتو، “Les Enfoirés”مغاديش يديرو الكونصير ديالهم لايڤ، بل تشجل بلا جمهور وغادي يدوز نيشان في تلفزة نهار الجمعة 5 مارس على قناة TF1.

الحفلة لي كتدار كل عام هادي  دابا 36 عام، اي من نهار Coluche وجه نداء للمشاهير باش يستعملو الفن ويعاونو بيه المحتاجين، استغرقات 5 ايام ديال التورناج.

الأغنية ختارو ليها عنوان “هنا -Maintenant “، وبدا الترويج ليها، والمساعدة غتكون بشراء الـCD لي الثمن ديالو كيساهم في توفير الماكلة للأشخاص المحتاجين.