نجوى المالحي-كود//
نشرات المغنية العالمية Cher البارح الجمعة تصويرة جديدة في الحساب ديالها الرسمي على انستكَرام لابسة فيها قفطان مغربي ديال المبرة.
التصويرة تخادت في اطار اشهار جديد ديال الماركة العالمية “UGG”.
القفطان جا مع المغنية الامريكية كيحمق وواتاها اللون الكَرونة والمتتبعين ديالها عجبهم اللباس المغربي بزاف.
وبعض المغاربة هجمو عليها في المنشور، وبزاف خلاو الدرابو ديال المغرب في التعاليق.
ومن غير التصويرة حتى الفيديو الترويجي ديال لامارك “UGG” فيه لمسة مغربية باينة في الثريات والصالون والأثاث عامة.
