الرئيسية > الزين والحداكة > المغنية المغربية غيثة النطاح ماقاداها فرحة من بعد ما دارو ليها لوحة إشهارية عملاقة فنيويورك: كنشكركم على ثقتكم فيا وففني
24/07/2021 19:00 الزين والحداكة

المغنية المغربية غيثة النطاح ماقاداها فرحة من بعد ما دارو ليها لوحة إشهارية عملاقة فنيويورك: كنشكركم على ثقتكم فيا وففني

المغنية المغربية غيثة النطاح ماقاداها فرحة من بعد ما دارو ليها لوحة إشهارية عملاقة فنيويورك: كنشكركم على ثقتكم فيا وففني

عفراء علوي محمدي- كود//

عبرات المغنية الشابة، غيثة النطاح، على الفرحة ديالها، من بعد ما تدارت ليها لوحة إشهارية رقمية عملاقة فنيويورك، وتحديدا فمبنى عالي فمنطقة تايمز سكوير.

وقالت النطاح، فتدوينة ليها ف”فيسبوك”، أنها فخورة براسها، لأنها قدرات توصل لهذشي باستقلالية 100 فالمية، أي دون دعاية أو مدير اعمال أو ترويج أو عروض للنشر.

وقدرات اغاني النطاح يحققو نجاح كبير على منصة “سبوتيفاي”، وواخا ماواقفين فجنبها وداعمينها غير صحابها، وخصوصا فيهم سمير البوسعيدي، اللي شكراتو بزاف فالتدوينة ديالها.

وقالت: “هذشي ليك يا سمير البوسعدي، قبل 4 سنين ماكانت عندنا حتى فكرة كيفاش نبداو، كنا عرفنا غير أننا محتاجين نديرو الموسيقى باش نعيشو فرحانين، وأنت تخليتي على وظيفتك باش تحقق هذ الحلم، أنت شجاع وأحسن منتج عندي كثر من اي وقت قبل..”.

وشكرات النطاح لثقة الناس فموسيقاها، وشكرات Spotify Africa على دعمها للمرأة الإفريقية فعالم الموسيقى، كيف شكرات صحابها اللي وقفو فجنبها.

https://m.facebook.com/story.php?story_fbid=226435096148351&id=100063455865829

موضوعات أخرى

19/03/2024 10:00

تيار كازا فالبام داير روينة فالأغلبية… صديق سعيد الناصري بغا رئاسة مجلس النواب: واش هادي مناورة من المنصوري باش تفاوض على التعديل الحكومي ولا انقلاب جديد داخل التحالف الحكومي ولا باش يبلوكيو مدونة الأخلاق لي غادي تحيد مناصب للبرلمانيين ديالهم لي عندهم متابعات فالمحاكم

19/03/2024 09:45

قطاع الخدمات مزال كيحتل الصدارة فالتشغيل: مخدّم كثر من 5 مليون واحد من السكان النشيطين المشتغلين ومتبوع بقطاع الفلاحة والغابات والصيد

19/03/2024 09:30

عدد السكان اللي بالغين لسن النشاط (15 عام والفوق) فات فبلادنا 27 مليون شخص.. مندوبية التخطيط: 63,5 فالمية ساكنين فالوسط الحضري

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب