الرئيسية > آش واقع > المغرب غيتلقى 300 الف جرعة من فاكسان “جانسين” هذ الليلة.. وعفيف لـ”كود”: فيه جرعة وحدة وغيسرع وثيرة التلقيح
24/07/2021 16:30 آش واقع

المغرب غيتلقى 300 الف جرعة من فاكسان “جانسين” هذ الليلة.. وعفيف لـ”كود”: فيه جرعة وحدة وغيسرع وثيرة التلقيح

المغرب غيتلقى 300 الف جرعة من فاكسان “جانسين” هذ الليلة.. وعفيف لـ”كود”: فيه جرعة وحدة وغيسرع وثيرة التلقيح

عفراء علوي محمدي- كود//

كشف سعيد عفيف، عضو اللجنة العلمية للتلقيح ورئيس الجمعية المغربية للعلوم الطبية، أن المغرب هذ الليلة غيتوصل ب300 ألف جرعو من لقاح “جانسين”، اللي طوراتو شركة “جونسون أند جونسون” البلجيكية.

وزاد عفيف، فتصريحو ل”كود” أن هذ اللقاح الجديد كيتعطى بجرعة واحدة، وغيمكن بالتالي من تسريع وثيرة التلقيح، تماشيا مع مبادرة الدولة المغربية فتسريع عملية التلقيح، اللي جعلات اللقاحات تتعطى طيلة أيام الأسبوع وحتى فأيام العطل ويوم ثاني عيد، بشكل مستمر ودون انقطاع.

وكشف عفيف ان اللقاح شبيه ففعاليتو بلقاح أسترازينيكا، كونو ظيحمي من الإصابة بالأمراض الخطيرة من خلال تقوية المناعة، كيف كيتميز بالجرعة الواحدة، اللي كتمكن من اكتساب هذ المناعة فأقل وقت، اي بعد 2  أسابيع على تلقي الجرعة الوحيدة من اللقاح، فالوقت اللي اللقاحات الأخرى كتستغرق 5 أسابيع، 3 عند تلقي الجرعة الأولى، و2 عند الثانية.

وقال ان هذ اللقاح غيستهدف جميع الفئات العمرية، لكن فالمقابل، رجح ان الوزارة غتولي تهتم كثر بتلقيح البلايص اللي فيهم العدوى منتشرة بشكل كبير، بحال كازا ومراكش وأكَادير وغيرها.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا