رقمنة دروس محو الأمية: مبادرة جديدة دارتها اليونسكو مع الوكالة الوطنية لمحاربة الأمية “ANLCA”
هناء ابو علي -كود//
تراجع موقع المغرب ف الترتيب الاخير اللي نشر موقع كلوبال فايرباور المختص فالشؤون العسكرية من الرتبة 55 العام الفايت الى الرتبة 60 ضمن لائحة فيها 137 دولة.
هاد الموقع كايدخل اعتبارات كثيرة ف الترتيب من بينها الجغرافيا و الميزانية المخصصة للدفاع و عدد السكان الاجمالي القادرين على حمل السلاح و غيرها .
ف الاول كما العادة جات ميريكان ثم روسيا ف الصين والهند و فرنسا ثم اليابان.. اما مصر ف حصلات على الرتبة 12 و اسبانيا 21 و الجزاير 27.
وفي التفاصيل جا ان المغرب عندو 1109 دبابة هجومية و 2270 مدرعة و 800 قطعة مدفعية و 530 مدفع ذاتي الحركة و 72 راجمة صواريخ …للمقارنة اسبانيا عندها 327 دبابة هجومية و الجزاير 2475 اغلبها سوفياتي الصنع..
افريقيا المغرب جا ف المرتبة السابعة و مصر هي الاولى و الجزاير الثانية..وهادشي راجع لان هاد الدول عندها التجنيد من زمان و ميزانية الدفاع عندهم كبيرة بزاف فميزانية الجيش المغربي هي 3 مليار دولار بينما الجزاير 10.6 مليار دولار..اما ف مصر ف الجيش اصلا دولة وسط دولة وعندو حتى صناديق استثمارية تما وشركات مدنية ..
تأثير الخدمة العسكرية الالزامية ف ترتيب المغرب العسكري عند هاد الموقع مزال ماغاديش يبان تال السنوات المقبلة.