كود سبور //

البطل المغربي جمال بن صديق، واحد من أبرز المقاتلين على المستوى العالمي ف رياضة “الكيك بوكسينگ”، هضر على فترة صعبة عاشها ف الحبس.

وقال بن صديق، ف حوار مع قناة “VechtersBazen” ف يوتوب: “دوزت شهرين ونص ف الحبس، حسيت خلالها بالانهيار النفسي وأنا ف مساحة ضيقة، وداك الساعة كتشوف العالم مختلف من حولك”.

وزاد المقاتل المغربي: “الحبس كيبقى عالم صعيب توصفو، كنت كنبكي ف الزنزانة وف الوقت نفسو كنحس  ف ظهري بالآلام بسبب الإصابة اللي تعرضت لها من قبل”.

وكانت السلطات البلجيكية شدات بن صديق ف مارس اللي فات، ووجهت ليه تهمة الاتجار بأجهزة اتصال مشفرة كتستعملها شبكة إجرامية.

وكيستعد بن صديق باش يواجه البطل الهولندي ريكو فيرهوفن، ف الـ23 من أكتوبر الجاري، ف أمسية “GLORY Collision 3″، وهادشي بعد انسحاب الهولندي أليستير أوفريم، من مواجهة مواطنو ريكو، بداعي الإصابة.

On October 23, Rico and Jamal settle the score…#COLLISION3 | 23 OCT | https://t.co/5k5ikTWrgj pic.twitter.com/dkJ1nSBB5e

— GLORY Kickboxing (@GLORY_WS) October 10, 2021