نجوى المالحي-كود//

البارح السبت كانت الحلقة النهائية ديال برنامج “ذا فويس كيدز The voice kids” الخاص بالوليدات الصغار في فرانسا، وجوج ديال المغاربة وصولو للنهائي لكن اللقب مكانش من نصيبهم، وداتو طفلة من فريق باتريك فيوري اسمها “ربيبيكا”.

إينزو لي فرنسي من اصول مغربية وساكن في هونك كونك خرج من بين 4  ديال المشاركين الأولين في حين بقا الطفل عبد الله كينافس على اللقب حتى لآخر لحظة ولكن مداهش.

وقدرو المغاربة بجوج يكسبو حب وتقدير الجمهور وحتى لجنة التحكيم لي أشادو بصوتهم وأدائهم لي كان زوين بزاف.