25/04/2024 04:00
مرات نتنياهو دارت الفوتوشوب باش تبان صغيرة.. تصويرة على موقع “إكس” حولاتها مسخرة على مواقع التواصل
اسماء غربي- كود تيفلت///
صدمة كبيرة بزاف رافقت حكم قضائي صدر مؤخرا في حق ثلاثة أشخاص اغتصابو بنيتة قاصر فعمرها 12 لعام. هاد البيدوفيليين تسببوا في حمل الطفلة بعد افتضاض بكارتها وتعريضها لاعتداءات جنسية على مراحل متعددة.
ادجريمة وقعات فدوار الغزاونة ضواحي تيفلت فأبريل من عام 2022. وتعرفات مني مشات عائلة الضحية عند الجدارمية وعاودو تفاصيل ما تعرضت له بنتهم القاصر من اعتداءات جنسية واغتصابات.
المفاجئة والصدمة فهاد المأساة هي مني تقدموا الجناة للنيابة العامة ودازو أمام غرفة الجنايات الابتدائية، تقرر الحكم عليهم غير بعامين ديال الحبس النافذ وخا العقوبات المقررة في القانون الجنائي كتقول أن هاد الأفعال الإجرامية ممكن توصل حتى لـ30 عام ديال السجن.
من بعد ما خرج هاد الحكم، بزاف ديال المغاربة علقو فمواقع التواصل وعبرو على الصدمة ديالهم والغضب من قرار القضاء. كولشي كيتسأل كيفاش وحدين مغتاصبين بنيتة حتى حملات يتحكم عليهم غير بعامين؟ ماكيستوعبهاش العقل.
هاد النوع من التطبيع مع ثقافة الاغتصاب، وحتى البيدوفيليا خطير بزاف، وكيرسل ميساج للمجرمين معناه انهم يمكن يغتاصبو ويعتاديو جنسيا على الصغار والكبار وماغادي يوقعلهم والو! غايفلتو من عقاب حقيقي…
هنا كيجي الدور ديال الجمعيات الحقوقية والمجتمع المدني باش يهضر ويندد ومايخليش بحال هاد الاحكام الصادمة تمر مرور الكرام! راه حشومة فدولة كتقول على راسها دولة حق مايتعطاش فيها حق لبنيتة صغيرة ضاعت ليها حياتها بسباب مجرمين غايدوزو عامين خفة زربة وغايخرجو.
