الرئيسية > كود سبور > المغاربة كيتقطعو فقطر بسبب تيكي ماتش المغرب وإسبانيا اللي مفقود وكيتقاتلو باش يشجعو الأسود
04/12/2022 10:06 كود سبور

المغاربة كيتقطعو فقطر بسبب تيكي ماتش المغرب وإسبانيا اللي مفقود وكيتقاتلو باش يشجعو الأسود

المغاربة كيتقطعو فقطر بسبب تيكي ماتش المغرب وإسبانيا اللي مفقود وكيتقاتلو باش يشجعو الأسود

كود سبور//

كيعاني الجمهور المغربي اللي باغي يحضر ماتش ثمن نهائي كأس العالم قطر 2022، ما بين المنتخب الوطني المغربي وإسبانيا نهار الثلاثاء الجاي فتيران المدينة التعليمية بسبب التيكي اللي سالا.

وتقاداو تذاكر ماتش المغرب وإسبانيا على موقع الاتحاد الدولي لكرة القدم “الفيفا”، الشي اللي مخلي الجمهور المغربي كيتقطع فقطر، حيث باغي يحضر اللقاء ولكن ما لاقيش التذاكر اللي قليلة حتى فالمارشي نوار والأثمنة ديالها مرتفعة بزاف خيالية، والأكثر من هادشي أنه عدد المشجعين المغاربة اللي كيوصلو لقطر كيرتفع يوم ورا يوم قبل الماتش ومازال كاينة أعداد أخرى ديال المغاربة من المنتظر توصل لمطار حمد الدولي فالدوحة اليوم الأحد وغدا الاثنين والساعات الأولى من نهار الثلاثاء، يوم الماتش، وما زال معندهاش التيكي.

وعبرت الجماهير المغربية على معاناتها فمواقع التواصل الاجتماعي بسبب تذاكر ماتش ربع نهائي كاس العالم ما بين المغرب وإسبانيا اللي مفقودة وما كيناش، وكتطالب الجامعة الملكية المغربية لكرة القدم والمسؤولين المغاربة باش يتأهلو حيث ما لقاوش الحل، وخايفين يكون الجمهور الإسباني والجمهور اللي محايد هو اللي يحضر بشكل كبير فالماتش فالتيران، الشي اللي غادي يحرم المنتخب المغربي من الدعم والمساندة ديال أنصارو المغاربة اللي عندهم نسبة مهمة فتألق الأسود ملي بدا المونديال حتى لدابا.

وكيتقاتلو المشجعين المغاربة فقطر وكيجريو باش يحاولو يوفرو تذاكر ديال ماتش الأسود ضد إسبانيا فتيران المدينة التعليمية، اللي هو ملعب صغر بزاف من تيران البيت وتيران الثمامة اللي لعبت فيهم ليكيب ناسيونال فالدور الأول، الشي اللي من المنتظر يخلي حضور الجمهور المغربي فهاد المباراة أقل بزاف من الماتشات الأولى.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري