الرئيسية > آراء > المغاربة كاملين عارفين أن الفساد كاين وهو لي كينخر هاد البلاد ولكن بزاف منهم ملي كيسمعو أرقام عليه مكتجيهمش الحسرة على البلاد لي كتضيع وإنما علاش ماشي هوما لي فمركز يسمحليهم يغتنيو من مال الدولة بلا حسيب ولا رقيب
14/09/2019 15:00 آراء

المغاربة كاملين عارفين أن الفساد كاين وهو لي كينخر هاد البلاد ولكن بزاف منهم ملي كيسمعو أرقام عليه مكتجيهمش الحسرة على البلاد لي كتضيع وإنما علاش ماشي هوما لي فمركز يسمحليهم يغتنيو من مال الدولة بلا حسيب ولا رقيب

المغاربة كاملين عارفين أن الفساد كاين وهو لي كينخر هاد البلاد ولكن بزاف منهم ملي كيسمعو أرقام عليه مكتجيهمش الحسرة على البلاد لي كتضيع وإنما علاش ماشي هوما لي فمركز يسمحليهم يغتنيو من مال الدولة بلا حسيب ولا رقيب

محمد سقراط-كود///

أغلب المغاربة ملي كيبغي ياخد طوموبيتو عند الميكانيك لاول مرة بالضرورة غادي يسول شي حد كيعرفو على شي ميكانيك معقول، كذلك الامر مع الطبيب ومع التريسيان والصياغ والبناي والمحامي ومحالات ديال البيع والشرا وأي حاجة تقريبا، حيت فالأصل ولي كثير انه مكاينش المعقول وراه اي واحد عرضة للنصب وللقوالب ويشمتوه ويدكوليه شي حاجة بشي ثمن خيالي، المفتقد في المغرب هو المعقول وهو لي كيقلبو عليه الناس بالريق الناشف، الخدمة معقولة هي القليلة، وفالحياة من نهار كتزاد وهوما كيوصيو فيك، بغيتي تشري موطور قديم حضي راسك من المدكوك، بغيتي تشري طوموبيل خود معاك شي ميكانيك يقلبها ورد بالك من السمسارة، بغيتي تشري حولي رد بالك من الشناقة، بغيتي تزوج رد بالك من بنات الحرام، وكذلك العكس بالنسبة للمرأة.

حتى فالعلاقات الإنسانية والطبيعية بين راجل ومرأة، كتلقى قائمة طويلة ديال التحذيرات متوارثة عبر أجيال، ومك لي ولداتك وعارفاك غير خطية واحل ليها فراسها ومع ذلك توصيك ” أوليدي ماتبقاش غي حال داك الفم ودايع لي عطاوهاليك تاكلها راه شحال من واحد حمقوه وخلاوه يدور فالزناقي” واخا أصلا داكشي لي كتدير نتا نيت داك الساعة واخا محسوب بعقلك غير كتدور فالزناقي، أما الى خدمتي داك الساعة كتولي محط أطماع حتى الدول العظمى بحال الى كتبول البيطرول، كذلك البنت كيضلو يوصيوها ترد بالها من ولاد لحرام، وعنداك تجيب شي كرش تحصل فيها، وراه مافيهم تيقة باغين غير يقديو حاجتهم ويزيدو مع الطريق.

المغاربة كاملين عارفين أن الفساد كاين وهو لي كينخر هاد البلاد ولكن بزاف منهم ملي كيسمعو أرقام عليه مكتجيهمش الحسرة على البلاد لي كتضيع وإنما علاش ماشي هوما لي فمركز يسمحليهم يغتنيو من مال الدولة بلا حسيب ولا رقيب، وعلاقاتنا واليومي ديالنا كلو مبني على فكرة أن أغلبنا فاسدين والمعقول هو لي نادر وقليل وأن أي واحد يقدر يشمتك ويقولبك لذا خاص ترد بالك وأن الفساد هو السمة الأساسية، هاعلاش تقارير جطو ماكتلقاش داك الصخب لي خاص ولي منتظر منها، مادام أنها فقط كتكشف على ما نعرفه ويعرفه هم بالأرقام، ولحد الآن مكاين حتى شي موجة إعتقالات جماعية وتطهير وتنظيف للقطاعات المعنية بهاد التقارير، ومحاكمات كبيرة ديال الفساد، ونشوفو ناس كيتعاقبو وكتصادر ممتلكاتهم لي داروها من الشفرةن هادشي حتى شي مغربي مكيتسناه يوقع، لي كيتسناوه هو أن القضية تزير على المفسدين مستقبلا، اما لي خدا شي حاجة بصحتو، ونهار غادي تكون إرادة حقيقية لمحاربة الفساد راه غادي نشوفو حملات تطهير واسعة بحال لي طرا في عدة بلدان لي قررات بصح أنها تحارب الفساد ماشي غير تعلن على وجوده بالأرقام فقط.

Garanti sans virus. www.avast.com

موضوعات أخرى

29/03/2024 15:41

نشرة إنذارية حمرة: الشتا قوية جاية غادي تواصل لـ130 ملم والرياح واصلة لـ95 كلم فالساعة

29/03/2024 15:31

قضية مضيان والمنصوري معلكة وصعيبة تفك..العشا فدار حمدي ولد الرشيد بحضور قياديين فالاستقلال مخرجش بنتيجة

29/03/2024 15:20

مقترح قانون لـ”حل” مندوبية التخطيط وإحداث الوكالة الوطنية للإحصاء والمعلومات

29/03/2024 15:00

شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا

29/03/2024 14:30

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها