الرئيسية > آراء > المغاربة ديال الفايسبوك ولاو بحال دوك عامة الشعب لي كيكونوا كيتفرجوا فالإعدامات بالمقصلة أيام الثورة الفرنسية، غير هو فالمغرب بلا ثورة بلا تفرنيس، بنادم كالس سامر غير يبانليه شي ولد أو بنت الفشوش دار شي خطأ وحصل كيتجمعو الهايش مايش ويبداو يطالبو بإعدامه إفتراضيا
21/06/2019 15:00 آراء

المغاربة ديال الفايسبوك ولاو بحال دوك عامة الشعب لي كيكونوا كيتفرجوا فالإعدامات بالمقصلة أيام الثورة الفرنسية، غير هو فالمغرب بلا ثورة بلا تفرنيس، بنادم كالس سامر غير يبانليه شي ولد أو بنت الفشوش دار شي خطأ وحصل كيتجمعو الهايش مايش ويبداو يطالبو بإعدامه إفتراضيا

المغاربة ديال الفايسبوك ولاو بحال دوك عامة الشعب لي كيكونوا كيتفرجوا فالإعدامات بالمقصلة أيام الثورة الفرنسية، غير هو فالمغرب بلا ثورة بلا تفرنيس، بنادم كالس سامر غير يبانليه شي ولد أو بنت الفشوش دار شي خطأ وحصل كيتجمعو الهايش مايش ويبداو يطالبو بإعدامه إفتراضيا

محمد سقراط-كود///

في المقال السابق كنت كتبت “أي مغربي زرق الكمارة ومعندوش الجبهة وفبزاف ديال المرات خايب، هذا هو ولد الشعب عند المغاربة، واخا يكون مخنوق فلوس كيبقى بالنسبة ليهم ولد الشعب وخاص يتعاطفو معاه ويساندوه ضد المغاربة لخريين الزوينين النقيين لي ستافدو من تحسين النسل الكلميني” العنوان ومضمون المقال معجبش بزاف ديال الناس وعتابروه مقال عنصري، علما أن هاد الوصف لي عطيت ديال المواطن المغربي الأسمر لي كيتعاطفو معاه المغاربة راه كتبتو على أساس وجهي أنا كيف داير، وعلى أساس شخصي الكريم كمواطن ذو لون خروي ورقبة كحلة بالشمس، وبحكم تجربتي ملي كنت مشيت لسويسرا وتضامنو معايا العياطة ديال فايسبوك( صحابي تضامنو معايا بصح وكثر هوما) وعتابروني مناضل لا يشق له غبار خلى النظام بلا نعاس من قوة تدويناته، وفاللخر طلعت بحالي بحال آي مغربي آخر دار الفالطة وخلص عليها.

المغاربة ديال الفايسبوك ولاو بحال دوك عامة الشعب لي كيكونوا كيتفرجوا فالإعدامات بالمقصلة أيام الثورة الفرنسية، غير هو فالمغرب بلا ثورة بلا تفرنيس، بنادم كالس سامر غير يبانليه شي ولد أو بنت الفشوش دار شي خطأ وحصل كيتجمعو الهايش مايش ويبداو يطالبو بإعدامه إفتراضيا، حقا دازو سنوات ديال الإفلات من العقاب وبنادم كيدير شنو مابغا غير حيت من طبقة معينة وهادشي باقي، ولكن المنطق هو المطالبة بالمساواة فتطبيق القانون ماشي بعدالة إنتقامية من ناس معينين بدعوى أنهم هوما ولي بحالهم كانوا لسنوات طويلة بعاد على المتابعة حتى جا زمن الفيديو والفايسبوك عاد تفرشوا، وفالمقابل لهادشي ولاو كيديرو الأعذار لأي مواطن أسمر دار شي كعية، شفار فالشارع كتلقى بنادم كيقول فيناهي الدولة لي تخدمهم، بوليسي شتف على شي واحد كتلقى بنادم كيديرليه ألف حجة غير حيت داك الواحد كيليميني بحال أمين الراضي، لاواه البوليسي صايم وواقف فالشمس لاواه مولا وليدات، لاواه الدري قزقوز وفيه العياقة والفهامات وقوة الفرونسي.

بزاف ديال المغاربة مكيحسوش بالعدالة الإجتماعية وتساوي الفرص وفقدوا الأمل فشي إرتقاء طبقي أو غير تحسن المستوى المعيشي، وولاو كيفرغو هادشي فالفايسبوك على شكل مقاصل تنصب لكل من يبدو أنه من الصفوة لي عندها الزهر، وولينا كنشوفوا ناس مكيتعاطفوش مثلا مع واحد لاباس عليه تعرض للسرقة بينما يتعاطفو مع الشفار الى تشد وتحكم بحكم قاسي، آخرها غير قضية شي دراري كريساو وكيل الملك فطنجة وتحكم عليهم بسبع سنوات حبس للواحد، التعليقات كلها تضامن معاهم نوعا ما، علاش ماتشدوش الشفارة الكبار، كون شفرو شي مواطن درويش كون عطيتهم شهرين، راه بنادم جهل وخاص لي مسيرين البلاد يفرجوها على بنادم يتنفس شوية.

Garanti sans virus. www.avast.com

موضوعات أخرى

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة

28/03/2024 21:00

يكذب الإسلامي وهو يتحدث عن تفكك الأسرة في الغرب! نحن روحانيون وأسرنا متماسكة وأطفالنا يكبرون في الشارع بعناية إلهية

28/03/2024 20:30

لاگوارديا سيپيل شدو جهادي صبليوني من أصل مغربي نشر رسائل مشفرة لدعم داعش وشروحات حول كيفية تصنيع المتفجرات

28/03/2024 20:00

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو