كود كازا//

وقع المغرب وكولومبيا، لبارح الثلاثاء، اتفاقية كتنص على إلغاء الفيزا بالنسبة للمغاربة اللي بغاو يسافرو لكولومبيا وعندهم جواز سفر، كان عادي أو ديبلوماسي، نفس الشي بالنسبة للكلومبيين اللي بغاو يسافرو للمغرب.

وهذ القرار تخاد لبارح الثلاثاء، بعد التوقيع على ثلاث اتفاقيات بين البلدين، أهمها هذ تاشيرة حذف الإقامة قصيرة الأجل، وجوج مذكرات خرين حول التعاون في مجال مكافحة المخدرات والتنسيق بين السلطات المختصة فالبلدين، وهذشي بالإضافة لاعتراف كولومبيا بسيادة المغرب على الأقاليم الجنوبية.

وف”فيسبوك” المغاربة ناشطين وفرحانين بالقرار الجديد وكيطروليو عليه، بحيث راجت بشكل كبير عبارة “كولومبيا بلا فيزا وجد الفاليزا”، وكاين اللي مشا دماغو بعيد وهضر على سهولة الحريكَ من تماك لميريكان، وعاد طبقة خرى اللي بغاو يمشيو “على قبل التيتيز”.