الرئيسية > آراء > المغاربة بزاف منهم حازقين و شي براهش معقدين وخوانجية كايروجو لداك الخطاب ديال المرا تجلس فالدار تقابل ولادها وماتخدمش فحالا هوا سعودي مسطاسيوني جوج رونجات فلاكاڤ ديال القصر ديالو قاد يصرف عليها! آخليو العيالات يخدمو ويستقلو ماديا باش يعاونوكم تانتوما راكم محتاجين!
10/09/2022 18:00 آراء

المغاربة بزاف منهم حازقين و شي براهش معقدين وخوانجية كايروجو لداك الخطاب ديال المرا تجلس فالدار تقابل ولادها وماتخدمش فحالا هوا سعودي مسطاسيوني جوج رونجات فلاكاڤ ديال القصر ديالو قاد يصرف عليها! آخليو العيالات يخدمو ويستقلو ماديا باش يعاونوكم تانتوما راكم محتاجين!

المغاربة بزاف منهم حازقين و شي براهش معقدين وخوانجية كايروجو لداك الخطاب ديال المرا تجلس فالدار تقابل ولادها وماتخدمش فحالا هوا سعودي مسطاسيوني جوج رونجات فلاكاڤ ديال القصر ديالو قاد يصرف عليها! آخليو العيالات يخدمو ويستقلو ماديا باش يعاونوكم تانتوما راكم محتاجين!

سهام البارودي – كود//

اليمين المتطرف و گاع les ramifications ديالو فالميريكان ! قدمّا كايآمنو بلي المرا بلاصتها الدار و تهلا فراجلها و وليداتها قدّما كاتلقاهم كايآمنو بأنه الراجل خاصو يبحث على النجاح فالحياة و أنه يكون ساكسيسفول و يحضر الگرمومة د بصح!

عائلة يمينية تساوي راجل لابس كوستيم فخم و مرا لابسة كسوة تحت الركبة و معلقة سنسلة ذهب فيها الصليب و جوج بنيات دايرين گرينات و ولد صغير فالكروسة كلشي بيض كلشي مزنگ كلشي واكل مزيان ماكاعانيوش من سوء التغذية و موراهم واحد مولاتي الدّار بالجردة معلقين فالباب راية كبيرة د ميريكان و شي كاط كاط كاديلاك ايسكالاد و لا شي شيڤرولي سوبوربان كلحة كاتخلع ! و ماعندهمش عيب انه المرا تقلب تتجوج بالراجل لي عندو الفلوس ! فreddit و دوك الفورومات لي  فيهم شي گروبات ديال اليمينيات ناشطات كاتلقاهم بالاضافة للهضرة على الطبخ و الاعتناء بالجسم و الزوج و الاولاد … كايهضرو حتى على كيفاش ضبري على راجل ملعّق يصرف عليك و تعيشي معاه !  ماكاينش اليميني الميريكاني لي كايعطي بنتو لشي مزلوط !

هذا هوا اليمين ! لي تاگال يمين جات معاه ! واخا تختالف معاه فالافكار و لكن كاتلقاه cohérent مع راسو ! بغا تستقبلو  فالدار لابسة كسوة بالفريفرات و كاتخرج كيكة من الفران ! كايحط الگرمومة لي خاصة باش يوفر ليها الدار و السنسلة د الصليب و الكسوة  بالفريفرات و الفران !

حنا لاّ! المزاليط دياولنا كايعجبهم فالايديولوجيات غي ديك البارتيا ديال المرا محگورة تحت السباط و تسمع هضرة الراجل و كلامو هوا لي يكون و ماتخدمش و تقابلو و تقابل ولادو و بالمقابل واش هوا يجيب الگرمومة ؟ يكون انسان ناجح  فحياتو ؟ يصرف عليها و يتهلا فيها ؟! ماشي داك المصروف د نمّي !  يقومها بحوايجها و بارفاناتها و ذهبها و ليصيونص ديال الليزر لي غادير لطبونها ! لا ! لا ! لا ‘ هادشي مابغاوهش هوما ! بغاو اليمين الريدبيلي ديال ” واش الى كان راجلك ساكن هنايا ( براكة فيها حصيرة و  بوطة صغيرة) واش ترضاي تسكني معاه؟)

واش شفتو على مصيبة كحلة !  گاع الايديولوجيات كايكونو بيخير و على خير برّا ! غا كايوصلو للمغرب كايمسخو سبحان الله العظيم !  لا يسار مگود لا يمين مگود ! غا ولاد القحاب كلشي باغي يحوي بارخص الاثمان

و الطامة الكبرى انه المجتمع ديالنا طايب بهاد الهضرة ديال القلاوي ! العيالات فالمغرب راه اصلا اصلا يا الله بداو كايتنفسو شوية و كايقراو و يخدمو ! مازال عندنا لحد الساعة غير 23% ديال العيالات لي خدامات و ووسط من هادو لي خدامات الاغلبية الساحقة عاملات فلاحيات يعني دوك الدرويشات لي كايخدمو باش يلقاو ماياكلو هوما وولادهم و عائلاتهم و مرة مرة كانسمعو بلي تقلب بيهم شي بيكوب فشي ڤيراج و ماتو ! العيالات فالمغرب مازال فيهم بزاف  كايخرجهم الزلط للخدمة و الرجال لي عاطينها للسباسة و الجوانات ! الى ماخدموش هاد العيالات شنو غاياكلو ؟ الحجر ؟ واش درنا حنا اصلا فاش كانو العيالات كايجلسو فالدار يقابلو ولادهم ؟ اش حققنا ؟ ياك سنين و منين و المغاربة كايموتو بالامراض و الطاعون و الڤيروسات ! سنين و المغاربة غارقين فالأمية و الجهل و الخرافات … تال هاد ستين عام الاخيرة عاد بدينا نترقعو شي شوية ! اش صنعو لينا العيالات لي جالسات فالديور ؟ تا قلوة ! الحمد لله لي بداو يقراو و يخدمو و يستقلو ماديا !

العالم كايدفع النساء نحو الاستقلالية وشي ولاد القحاب معقدين باغين يردونا اللور ! للزمن لي كانت فيه المرا تحت رجلين الراجل هوا لي يصرف عليها هوا لي يختار ليها شنو تلبس هوا لي يكسيها هوا لي يسفرها هوا لي يعطيها باش تمشي للحمام … و هي عايشة كي العبدة تحت رجليه !

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة