للمرة الثانية فيومين.. الخارجية الروسية استقبلات سفير الدزاير وهدرو على نزاع الصحرا
كود الرباط//
في سابقة من نوعها بجهة الرباط، علمت كود من مصادر موثوقة من وزارة الصحة أن عمالة تمارة بتنسيق مع السلطات الصحية بالمنطقة، تحول منذ بضع ايام حالات مشتبه بها بإصابتها بفيروس كورونا، إلى فندق لافولوك بالهرهورة بعدما وضعه مالكوه رسميا رهن إشارة السلطات العمومية بدون اي مقابل مادي.
وحسب المعلومات اللي حصلت عليها كود، أن بعض الحالات اللي لم يستوعبها مستشفى سيدي لحسن بتمارة قبل إغلاقه وأنه غ يتفتح من جديد غدا الاثنين، فإن أصحاب الفندق كانوا راسلو عمالة تمارة وقالوا ليها أنهم يعبرون عن تضامنهم مع الدولة ومع الأطقم الطبية المشتبه بحملها الفيروس واللي تبين أنها كلها حالات سلبية، ومع الحالات المرضية، ووضعو فندقهم المطل على البحر بغرفه وجميع مرافقه رهن إشارة الدولة لهاته الغاية.
وهاد الاسبوع كامل تحول الفندق إلى ملحقة صحية، كيجيبوا ليه الأطقم الطبية و حتى بعض المخالطين والمرضى بالوباء. وفي وقت تشتد فيه الأزمة، الناس أصحاب الفندق والمستخدمين والعمال وقفوا وقفة ديال الرجال ديال المغاربة الأصلاء، مع إخوانهم المغاربة وتكلفوا باستقبال جميع الحالات بدون تردد أو خوف، وقدموا كل المساعدات الي يقدرو عليها للسلطات، بدون اي مقابل كيفما كان نوعه.
هاد الشي يبين بأن المغاربة والمقاولين بالخصوص، في جميع أنحاء المغرب، فضلوا المصير المشترك وخدمة المغرب والمغاربة وعبروا عن صدق بالتزامهم بالانتماء لهاد البلاد. الخير باقي ف لبلاد وخاصمنا مبادرات بهاد هادي نشوفوها يوميا حيث الجايحة غادية وتتوسع وخاصنا الكل يتضامن ويطوع والدولة بوحدها ما يمكنش دير كلشي هاد الشي راه دول كبيرة ووحلات فيه.
وحسب مسؤول صحي رفيع المستوى بالإقليم، الدولة كتعقم الفندق كل يوم قبل استقبال الحالات وبعده تحت إشراف السلطات العمومية، والناس ديالو كيديرو مجهود يومي بنشاط كبير وبدون خوف أو تردد.