25/04/2024 12:05
واش تفعلات المبادرة الأطلسية رسميا؟. توقع يكون أول تصدير للحوامض المغربية من الميناء الأطلسي لدولة البرازيل الصديقة اللي كتعترف بمغربية الصحراء وتخلي دول أمريكا اللاتينية يتبعوها؟
كريم الصوفي – كود//
[email protected]
قال موقع “أوكي دياريو”، أن المغاربة الاربعة اللي تشدو بعد ايام من سلتة مطار بالما كيفضلو يتشدو ف الحبس وما يرجعوش للمغرب وأن خطتهم الأساسية كانت هي الهجرة إلى تركيا لكن الهبوط الاضطراري عطاهم الفرصة لدخول أوروبا.
وأضاف الموقع الاسباني، أن جلسىة التحقيق مع المعتقلين الاربعة اللي تعتاقلو ف 17 نونبر الفايت ف “سابوبلا”، قدام محكمة التعليمات، تأجلات ول البارح لتحديد الوضع الشخصي للمتهمين. المحاميين ديالهم طلبو ليهم الإفراج ف مقابل سحب جوازات سفرهم والالتزام بالمثول أمام المحكمة مرة واحدة في الأسبوع.
وصرح أحد المتهمين ان الخطة ديالو كانت يمشي لتركيا ويعيش فيها بشكل غير قانوني وغير توقفات الطيارة وشاف اللي وقع خاف وهرب والمتهمين الاخرين قالو ان الهبوط الاضطراري عطاهم فرصة ما كتعوضش باش يحرگو لأوروبا، وانهم غير غادرو المطار، تلقاو مساعدة من أشخاص باش يوصلو إلى سا بوبلا اللي فيها نسبة عالية من المهاجرين المغاربيين.
وفي 24 نوفمبر الفايت، شدات الشرطة الوطنية والحرس المدني ثلاثة مغاربة من بين 25 شخصا هربو من طيارة تابعة للعربية للطيران بعد هبوط اضطراري بسبب وعكة صحية جات لأحد الراكبين. في المجموع دابا تم اعتقال 19 متهم حتى الآن، ومزال 6 اشخاص هاربين.
