عفراء علوي محمدي- كود//
تم الكشف عن أسماء الفائزين الخمسة فمعرض “الهواء الطلق” اللي كيديرو المعهد الفرنسي فمراكش، من بينهم أربع مغاربة.
الفائزين فهذ المعرض هوما رضا بودينة، اللي دار منحوتة معدنية، ياسر ياجري، اللي دار منحوتة من الصفائح المعدية ووظف فيها الزخرفة المعمارية المغربية، ثم المصممة الفرنسية ليفيا كولب والجغرافي المغربي أيوب الورتي، اللي دارو بجوج “معشبة على الهواء الطلق”، واللي كيجسد التنوع النباتي اللي كاين فمراكش، وكذلك كاين زهير شهاد، اللي دار منحوتة ملونة ومجزأة ومكبرة باسم “Corps en fragmentation”.
وتم اختيار هذ الأعمال من بين 53 ترشيح تقدم للمعرض، وغيتم الكشف على الأعمال الفنية اللي فازت ديالها فجردة المعهد الفرنسي فمراكش وكذلك ف”Maison Denise”.
