60 طبيب جابوني غادي يدعيو “گوگل”.. تشكاو من التعليقات الخايبة وكيطالبو بتعويضات
كود احمد الطيب الرباط ////
من اليوم حتى 21 ابريل كاين المعرض الدولي للفلاحة “سيام” بمكناس. حدث غادي ويكبر. كلشي اللي عندو علاقة بالقطاع الفلاحي كيتسناه. كيتسنى المناظرة اللي كانت كتسبقو. حضروها رؤساء دول ورؤساء حكومات وكبار هاد العالم فالفلاحة من الفاو وغيرها. هاد العام ما كانتش المناظرة ولكن المعرض الدولي مستامر.
غير هو خاصو تغيير. خاصو يتبدل. المنصب اللي خاصو يتبدل هو منصب المندوب العام. جواد الشامي تعين فهاد المنصب هادي مدة. دابا جا الوقت يغيروه. كان خطأ باش ما تبدلش الوقت اللي قرر يدير السياسة ويلتاحق بالبام ويترشح للانتخابات فمكناس. كان خاصو هو يستاقل باش خسر خسارة كبيرة وما جاب والو فمكناس واخا عندو المعرض الدولي للفلاحة ڤيترين كبيرة وورقة ما عرفتش ليها.
دابا عندو مشكلة اخرى. شي مهنيين مقلقين عليه كيف قالها احدهم ل”كود”. ناض عليه الصداع باش دار تصميم للمعرض بلا ما يرجع حتى لشي حد. لمن عطى الاولوية؟ عطاها لصحاب لماكن. كاع لماكن اللي عندها علاقة بالفلاحة يرد مصدر “كود”.
هاد الشي قلق الفيدراليات المهنية. ناضت ليه. كان حسم وزير الفلاحة والصيد البحري والتنمية الفلاحية عزيز اخنوش ورجع داك الشي كيف تم الاتفاق عليه.
جواد الشامي دار خدمة كل واحد يدير تقييمو. دابا حان الوقت يجيبو حد اخر. اولا ما متحزبش. ثانيا ما عندوش شي مصالح يدافع عليها فالفلاحة. يدافع على لفلاحة المغربية فشموليتها. ايلى بقى كل عام غادية توقع مشاكل.