الرئيسية > آش واقع > المسؤولين القضائيين اللي متورطين فالأوديو ها شكون غيحقق معهم و”گود” مزال كتنبش فالرمان المفرگع.. وها الجديد ديال ريزو نائب وكيل الملك فعين السبع
04/08/2022 18:30 آش واقع

المسؤولين القضائيين اللي متورطين فالأوديو ها شكون غيحقق معهم و”گود” مزال كتنبش فالرمان المفرگع.. وها الجديد ديال ريزو نائب وكيل الملك فعين السبع

المسؤولين القضائيين اللي متورطين فالأوديو ها شكون غيحقق معهم و”گود” مزال كتنبش فالرمان المفرگع.. وها الجديد ديال ريزو نائب وكيل الملك فعين السبع

سامي العلوي – كود كازا //

هادشي اللي واقع فالقضاء فكازا هاد ليام مترابط بزاف، بحيث راحنا قدام جوج ملفات خانزين اللول هو الأوديو اللي خرج فالعيد الكبير، والثاني هو العصابة اللي طيحتها الفرقة الوطنية للشرطة القضائية فالمحكمة الابتدائية الزجرية ديال عين السبع، واللي مشدود فيها نائب وكيل الملك بتهمة تكوين عصابة إجرامية متخصصة في الارتشاء والتزوير فوثائق رسمية والخيانة الزوجية والاتجار بالبشر وفيها وحدين آخرين متابعين فحالة سراح مع اعتقال مستشار بمحكمة الاستئناف بالدار البيضاء لي بان من خلال التحقيقات انو كيشد الفلوس وكيلعب فالأحكام.

فالموضوع المتعلقة بالأوديو الفضيحة، كشفات مصادر “گود” ان رئاسة السلطة القضائية عينات مقرر لقاضين بمحكمة الاستئناف بمدينة كازا واحد فيهم كيرأس غرفة.

واضافت المصادر ان المقرر اللي عينو المجلس الاعلى للسلطة القضائية هو الرئيس الاول لمحكمة الاستئناف بمكناس حيت سيتم الاستماع اليهما في غضون الايام القليلة القادمة.

الأوديو لي تسركل فواتساب ومنسوب لمرا كتخدم مستشارة بمحكمة النقض بالرباط، دخلت فمحادثات صوتية مع قضاة بغرفة الجنايات بالدارالبيضاء، يبتون في أحد الملفات المعروضة عليهم، معاتبةً إياهم على تأخر النظر في الملف المذكور، لتتفاعل النيابة العامة باستئنافية البيضاء مع ما ورد في التسجيل الصوتي، وتصدر أوامرها بفتح تحقيق فيه.

فالموضوع لاخور ديال عصابة وكيل الملك الجديد حسب مصادر “كَود” فإن رئيس المحكمة الابتدائية الزجرية بعين السبع تاهو غيتم الاستماع ليه من طرف قضاة محكمة النقض حيت عندو الامتياز القضائي.

مصادر ديال “كَود”، كتأكد ان التحقيقات بادية هادي عام مع هاد الريزو اللي كيتلاعب بملفات الناس وكيساهم فالظلم بمقابل الفلوس.

موضوعات أخرى

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟