كود سبور//
قدم الدولي المغربية نصير المزراوي لاعب بايرن ميونيخ الألماني مباراة جيدة رفقة فريقه أمام البارصا مساء الثلاثاء، ضمن دور مجموعات دوري أبطال أوروبا.
نصير المزراوي دخل مكان الفرنسي بنايمين بفارد اللي تصاب فالدقيقة 21 من الماتش، وقدم مباراة رائعة سواء فاستخلاص الكرة من اللاعبين ديال البارصا أو فبناء الهجمة لبايرن ميونيخ.
النجم المغربي المزراوي كان فالموعد ونال اعجاب الجمهور ديال بايرن ميونيخ والمتتبعين ديال دوري ابطال اوروبا، بطريقة اللعب والامكانيات اللي كيتوفر عليها، وساهم فالانتصار ديال البايرن على البارصا بهدفين لصفر والفوز بثلاث نقاط مهمة فأول ماتش من دور المجموعات بدوري أبطال أوروبا.
للإشارة فالناخب الوطني وليد الركراكي وجه الدعوة لنصير المزراوي للالتحاق بالمنتخب الوطني المغربي إلى جانب 30 لاعب اخر لخوض المبارتين الوديتين أمام كل من الشيلي والبراغواي، وذلك إستعدادا لكأس العالم.