نجوى المالحي-كود//
العالم كامل كيجمع على أن الطياب المغربي بنين ومكينش بحالو، والحجة انه مكلاصي عالميا مع احسن الطيابات. ونجمة الطبخ في المغرب “شميشة” كانت حلات مطعم سماتو “باب منصور” في دبي، وولا قبلة ديال المغاربة لي ساكنين تما، ومن خلالو زادت عرفات بالطبخ المغربي.
شميشة واقفة على شغلها بيدها، وكشفات من خلال حسابها على انستكَرام أن كل أكلة مختصة فيها طباخة، باش كل واحد يركز في شنو كيدير وتكون النتيجة معتبرة.
المزابية شميشة حاليا مستقرة ما بين دبي والمغرب، وكتحاول من خلال حسابها تشارك بعض الوصفات وكيف ديما مبعدة حياتها الخاصة على مواقع التواصل الاجتماعي وكتشارك كل ما له علاقة بالمالكة والريسطو وصافي.
