كود سعيد الشاوي ///

الضحية الاولى فهاد التعديل الحكومي هو محمد جودار القيادي فحزب الاتحاد الدستوري. خداو ليه بلاصتو فالاول باش جابو النابغة المدعو عبيابة. البارح تعداو عليه باش جابو ولد فردوس فبلاصة عبيابة.

جودار هو اللي فيه شروط باش يسير هاد القطاع ديال الشبيبة والرياضة. هو نائب رئيس الجامعة الملكية المغربية لكرة القدم عضو فمكتب الرجا وبرلماني للحزب فسباتة.

هاد السيد كان من اللولين اللي خدم مع المخزن فعشرين فبراير. خرج ناسو باش يواجهو المسيرات باش مشات لسباتة. طبعا كانو فيهم بلطجية ولكن ديك الساعة المخزن كان بوحدو. دابا مكافئتو هو المخزن عطاه الظهر وما داهاش فيه. صعيب هاد المخزن.

بين ولد فردوس وجودار كاين الفرق. جودار احسن ولكن ما عندوش العلاقات ديال ولد فردوس ما عندوش اللي يدافع عليه ما عندوش نساب صحاح وما عندوش حزب كاع واخا بوه مقاوم ودار ولكن..