الأمم المتحدة: آسيا هي القارة للي تضرات كثر بالكوارث الطبيعية.. وها شحال من كارثة ضرباتها
عفراء علوي محمدي- كود//
بحال العادة، المكبوتين ديما كيخرجو من الجحور ديالهم باش يسبو ويعايرو وينشرو فالكرهم والحقد فاش كيشوفو شي كوبل فرحانين وناشطين.
لبارح الخميس، بمجرد ما المغنية بنشليخة حطات تصويرتها فسطوري ف”أنستكَرام” لابسة بيكين وشورت دجين قصير مع راجلها منصف، بزاف ديال المتخلفين تداولو صورتها على نطاق واسع، كيضحكو عليها وخصوصا على راجها اللي اعتبروه ماشي راجل حيت “معري مرتو قدام الناس”.
من هذ الناس شي عيالات عزيزة عليهم العبودية وتحكم الراجل فيهم، وبغاو يفرضو هذشي على كلشي، شي وحدات منهم قالو بللي “الراجل اللي مايغيرش على لحم مرتو ماشي راجل”، وهذ الهضرة كتدل على تسليعهم لجسد المرأة واعتبارة “مجرد لحم”، وهذشي كيأكد القولة الشهيرة اللي كتقول أن:ط “عدوة المرأة هي المرأة”.
وملاحظ أن الصورة مافيها حتى شي إثارة جنسية ممكن تحرك ذرة دالغريزة عند هذ المكبوتين، لكن كيتبين أنهم على سبة حيت شابعين حقد وحرمان، وكيف هوما مقموعين بغاو الناس كاملين تتقمع بحالهم وحتى واحد مايعيش حياتو كيف بغا.