كود هناء ابو علي الرباط ///

علمت “كود” ان رجال اعمال ورؤساء اندية وبرلمانيون دارو الڤاكسان الصيني “سينوفارم”. هاد الشي داروه السيمانا اللي فاتت وفق مصدر “كود” فسفارة الامارات بالرباط.

وفق مصدر “كود” فشي سمسار ديال لعابة ومخلط حوايج كثار هو اللي توسط لهادو باش يديروه.

الغريب ان فيهم شي برلمانيين. بالنسبة لرؤساء اندية عندهم لوسخ مفهومة٬ ولكن ممثلي الشعب يمشيو عند دولة واخا صديقة ويديرو لقاح٬ فيه مشكل كبير. واش هادو غادي يكون ولاءهم لبلادهم ولا اللي دار فيهم شي فاڤور باش يوقع شي مشكل داخلي. باينة ختارو مع من.

وفق مصدر “كود” شي طاشرونات عندهم ماضي خايب وولاو ملايرية وكيداعيو باللي امراء شركاء ليهم٬ حتى هما مشاو للامارات فهاد الوقت. واش قضية بيزنس ولا قضية ڤاكسان. دابا يبان لخبار