هشام اعناجي- كود الرباط//

[email protected]

قال عبد السلام اللبار، رئيس الفريق الاستقلالي، في تصريح لـ”كود”، إن الحكومة فشلت في تدبير ملق اللقاحات، بسبب صمتها تجاه تأخر حصول المغرب على اللقاح.

وأوضح اللبار، أن رئيس الحكومة سعد الدين العثماني مارس التضليل وأخفى الحقائق على المغاربة، وأخلف وعوده، كما هو الشأن بالنسبة لوزير الصحة، هؤلاء كذبوا على المغاربة عندما وعدوهم بالحصول على اللقاح في اواخر شتنبر.

وتابع اللبار لـ”كود”: واش اعباد الله رئيس حكومة كيصرح بلي غانكونو ضمن 10 الدول الأوائل لي غادي تجيب اللقاح، ولحد الساعة مكاين والو”.
وشدد اللبار متأسفا “حشومة نواعدو المغاربة ونخويو بهم”، مضيفا :”وزير الصحة لي قال للمغاربة غانصومو رمضان ونصليو التراويح بلا كورونا، كذب علينا”.

وأكد المتحدث لـ”كود” أن “31 دولة إلى حدود امس الثلاثاء خدات اللقاح، و7 كانو فديك الاسبوع غايتوصلو باللقاح فالايام القليلة المقبلة”.

وتابع :”السينغال خدات، الاردن هذات، بنغلاديش خدات، افغانستان خدات، وحشومة وعيب هادشي لي واقع وكيأثر فيا كمغربي كيعرف بلادو اقوى من هاد الدول”.

وأفاد المتحدث أن “ارتباك الحكومة في تدبير هطا الملف عقد الامور، بحيث أنها “تعاقدت مع سينوفار الصينية عبر عقدة سرية contrat de confidentialité، يعني عقدة خاصة وطوب وعلاش دبا موصلش اللقاح، للاسف الحكومة مقدراتش تجاوب”.

وشدد اللبار :”حنا ساهمنا مع سينوفارم بالتجارب السريرية بمتطوعين، وفجأة توقف هادشي ومشينا عند مختبر آخر لي، عند شركة استرازينيكا لي هي بحال سمسار كتشري عندها وكتجيب ليك السلعة من الهند”.

https://www.facebook.com/1292968250744243/posts/4909422342432131/?vh=e&d=n

وتابع المصدر نفسه :”هاد المصنع لي فالهنذ قدرته الاجمالية 50 مليون فالشهر، واصلا مخلص ف 900 مليون جرعة”، مضيفا:”باش يوجد 900 مليون جرعة خصو 18 شهر”.

واضاف :” الانجليز مثلا شراو 100 مليون جرعة خلصها، ولكن غايتوصل غير ف فبراير فقط ب 4 مليون جرعة، يعني باقي معطل”.

لكن اللبار كيقول بلي :”حنا مقدرين الظروف والضغط لي كاين، ولكن خص الحكومة تكون غير واضحة وصريحة مع المغاربة”.

وحمل اللبار مسؤولية التخبط في تدبير اللقاحات الى رئيس الحكومة ووزير الصحة ومديرية الادوية والصيدلة، الاخير التي تعيش على وقع تحقيقات مستمرة للمجلس الاعلى للحسابات والمهمة الاستطلاعية البرلمانية.

واستغرب اللبار، “كيفاش الداخلية وجدات كولشي من الابرة تال ليزار وسلسلة التبريد والتخزين والتنقل وكولشي، في حين وزارة الصحة ورئيس الحكومة ساكتين وخربقو المغاربة”.

وبالعودة الى مديرية الادوية، يوضح اللبار، أن هذه المديرية تعيش أسوأ تدبير ، حيث تظل هناك شبهات كثيرة حول صفقات الأدوية وتلاعبات وضعه عليها مجلس جطو، خصوصا هاد المديرية فيها فلوس كثيرة.

واستغرب اللبار، بالقول :”علاش مكنجيبوش الأدوية من الصين، وكنجيبو غير المواد الأولية، مع العلم أن ثمن هاد الادوية الصينية اقل بكثير من الاثمنة لي كاين فالسوق المغربية؟”، مضيفا :”للاسف كاينا مافيا كتحكم فسوق الأدوية”.
وتابع :” علاش كنجيبو المواد الأولية من الصين، ولا نقبل دخول الأدوية الصينية، حيثاش كاينا عصابة فارعة الاقتصاد الوطنية ومكاين غير je mange tu manges”.

وقال اللبار  في مجلس المستشارين يوم الثلاثاء :”متى سنلقح و اين هو اللقاح و أي نوع من اللقاح اخترتم .. السيد وزير الصحة قال لنا أننا سنصوم رمضان بخير و على خير و فيناهو .. اليوم المغاربة ينتظرون منكم تقولو لينا متى يتم اللقاح حتى ولو بعد عام لأن المغاربة ولفو الصبر خصهوم غي الصراحة وماضحكوش عليهوم”.