كود – وكالات //

قالت الوكالة النووية الأوكرانية بللي عدد من الصواريخ الروسية دكَدكَات طرف من السطاسيون الكبيرة ديال  الطاقة النووية اللي كتسيطر عليها روسيا فجنوب أوكرانيا، لكن هاد الحادث ماوقعش فيه حتى شي تسرب إشعاعي لحد الساعة.

وقالت “إنيرجواتوم” بللي وحدة النيتروجين والأكسجين وخط التريسينتي (التردد الكبير) تضرر فسطاسيون “زاباروجيا”، اللي هي الأكبر فأوروبا.

واتاهمو مسؤولين محليين معيناهم روسيا، (اتاهمو) أوكرانيا بللي هي اللي قصفات المنطقة فوقت سابق.

وبدورها اتاهمات أوكرانيا الجيش الروسي بإطلاق صواريخ على مناطق مدنية من موقع السطاسيون، مستخدما “تكتيكات إرهابية”.

وقال رجل أعمال محلي ل”بي بي سي” “كل صباح كنفيقو وكنكتاشفو بللي قصفو غير الديور ديال الناس فقط”.