نجوى المالحي – كود//

لي مكلخ غادي يبقى ديما مكلخ، والشعب لي باقي كيشوف البنت لي كتكمي خارجة الطريق ما شعب ما والو، الانسان خاص يوعا اكثر، ويتعلم يحترم الاخر ويدخل سوق راسو.

مناسبة هاد الهضرة الصورة لي نشرت الممثلة فرح الفاسي، لي عبرات فيها على فكرة “لا للعنف ضد المرأة”،  في اليوم العالمي لمناهضة العنف ضد المرأة، وبنادم حضاها غير حيت الدخان خارج ليها من فمها.

فرح خرجات كتقول ليهم لا راه ماشي كنكمي، وهداك غير “فوطوشوب” ودار في الصورة باش يعبر على العنف، اوا اشنو لي يخلي انسانة راشدة ومسؤولة على راسها تخرج باش تبرر للناس انها كتكمي ولا ما كتكميش؟

هادشي طبعا كيديرو قلة الدخول في سوق الراس وكثرة الدخول في الشبوقات ديال عباد الله.

https://instagram.com/p/CICB-oFn6Do/