ميريكان غادي تعطي مكافأة ديال 10 مليار لأي واحد غادي يعطيها معلومات على المشة الكحلة
كود سبور//
كشف الدولي الكاميرون فينسينت أبوبكر بلي التألق ديالو فماتش منتخب بلادو ضد منتخب صربيا اليوم الاثنين، فكاس العالم قطر2022، كيرجع السبب فيه للمنتخب الوطني المغربي اللي ربح بلجيكا.
وأبوبكر اللي دخل وقلب الماتش وساهم فالتعادل اللي جاب الكاميرون 3 مقابل 3 ضد صربيا، وخدا احسن لعاب فالماتش من بعدما ماركا بيت وساهم فتسجيل واحد وقال فتصريح له: “تفرجت فالماتش ديال المغرب ضد بلجيكا، كانوا واعرين وموتيفاوني ودويت مع صحابي فالمنتخب وقالت لهم خاصنا نديرو فحالهم”.
وأصبح المنتخب الوطني المغربي كيتضرب به المثل فكأس العالم قطر 2022، من بعدما ربح بلجيكا فكأس ماتش تلعب إلى حدود الآن فالمونديال، وهادشي موتيفا المنتخبات الإفريقية بزاف فحال الكاميرون اللي رجعت فالماتش ضد صربيا وتعادلات، وغانا اللي ربحات كوريا، وحتى السنغال اللي لاعبة غدا ضد الاكوادور.