كود سبور//

الكونفدرالية الإفريقية لكرة القدم حددات برنامج ديال مباريات المنتخبات المشاركة في نهائيات كأس إفريقيا للمحليين، اللي غادي تنظمها الكاميرون فابريل الجاي.

المنتخب الوطني غادي يخوض أول مباراة ليه أمام الطوغو ف6 أبريل مع الخمسة ديال العشبة بمدينة دوالا، والماتش الثاني عندو كونتر رواندا نهار 10 من نفس الشهر مع الخمسة، على أن ينهي مباريات الجولة الثالثة كونتر أوغندا نهار 14 أبريل مع الثامنة مساء.

البطولة الأفريقية غادي تنطلق رسميا نهار 4 ابريل وتسالي في 25، ويتعرف مشاركة 17 منتخبا إفريقيا.

القرعة اللي تسحبات نهار الاثنين الماضي في الكاميرون وضعت المنتخب الوطني في المجموعة الثالثة مع رواندا وأوغندا والطوغو.

المنتخبات اللي مشاركة هي المغرب وبوركينا فاسو  والكونغو برازافيل  وليبيا وزيمبابوي ومالي وناميبيا  والنيجر  وأوغندا  وغينيا ورواندا وتنزانيا  والطوغو وزامبيا والكونغو الديمقراطية إضافة إلى الكاميرون البلد المنظم.