اجرى الحوار احمد الطيب كود ////

فحوارو مع “كود” قال الصحافي والكاتب الاسباني اگناسيو سيمبريرو علاش ما حضراتش العلاقات الدولية فالمناظرات التلفزيونية بين قادة الاحزاب السياسية الاسبانية فالانتخابات التشريعية اللي غادية تجرى نهار الاحد الجاي 28 ابريل.

تكلم علاش لا العلاقات مع المغرب لاقضية الصحرا حضرات فهاد المناظرات ولا حتى الحملة الانتخابية.

كما تحدث فحوارو مع “كود” على غياب مرشحين ووجوه سياسية من اصول اجنبية

كود: السؤال الاول: كيتلاحظ غياب ملف العلاقات الخارجية فالحملة الانتخابات التشريعية الاسبانية. لا العلاقات مع اوربا لا العلاقات مع المغرب لا ما كيوقع فالجزائر. علاش؟

اسبانيا دازت عليها. عاشت ازمة اقتصادية مستها سنة 2008 وتزاد عليها ازمة سياسية. هاد الازمة السياسية بانت باللي الحزبين الكبيرين: الحزب الشعبي والحزب العمالي الاشتراكي ما بقاش عندهم تأثير كبير. بانو احزاب اخرى وبانت قضية كاتالونيا. هاد الشي كولو خلى اسبانيا ما تشوف غير راسها. ما بقاتش كديها فاللي كيوقع خارج حدودها
لهاد الاسباب ما حضراتش السياسة الخارجية بما فيها العلاقات مع المغرب عن النقاشات السياسية المواجهات التلفزيونية والحملة الانتخابية. راها ظاهرة جديدة فاسبانيا

كود: السؤال الثاني: من غير اليمين المتطرف من خلال حزب “بوكس” اللي دار بوليميك من خلال اعلان رغبتو يدير حيط يحمي سبتة ومليلية واللي هدر بزاف على الهجرة باقي الاحزاب ساكتة حتى على هاد الموضوع. الموقف من قضية الصحراء ما كايناش كاع؟
الهجرة موضوع حاضر في كل خطابات اليمين المتطرف “بوكس”. وبدا شوية بشوية ياخد لبلاصة ديال الخطاب اللي كان كيوظفو غير الحزب الشعبي و”سيودادانوس”. بابلو كاسادو رئيس الحزب الشعبي زار مؤخرا خمس مرات مدينتي سبتة ومليلية، المديتنين اللي كيسيسرهم حزب. زارهم باش يشيد بالقوات العمومية.
غير للاشارة الموضوع راه ثار فالنقاش التلفزيوني الثاني “كان ليلة الثلاثاء على قناتي “انطينا تريس” و”لاسيكستا” واذاعة “اوندا زيرو”٬ فهاد المناظرة التلفزيونية جبد بابلو كاسادو تفاقم الهجرة السرية منذ وصول الاشتراكي بيدرو شانشيز شهر يونيو 2018. رئيس الوزراء الاشتراكي قلل من هاد الشي

كود: السؤال الثالث: اللي كيتلاحظ فعلاقة بالهجرة هو ان الاحزاب الاربعة: الحزب الشعبي =يمين= والحزب العمالي الاشتراكي =يسار” و”سيودادانوس” “يمين وسط” و”بوديموس” “يسار راديكالي”٬ ما كاينش منهم شي واحد فالانتخابات باين من اصول اجنبية. الغريب ان اليمين المتطرف “بوكس” عندو قيادي لون بشرتو سوداء. علاش هاد الشي

بجوجهم غششو فالارقام. الملاحظ انو منذ زيارة ملك وملكة اسبانيا الى الرباط نقص بشكل كبير عدد المهاجرين السريين. ما يمكن اعتبارو هدية من ملك المغرب لرئيس الحكومة الاسبانية. را هاد التراجع فعدد المهاجرين اللي وصلو للسواحل الاسبانية عاود بزاف الاشتراكيين فهاد الحملة. هدية جاتهم من السما وصافي

يلاحظ ان هناك مرشحين للانتخابات التشريعية والبلدية والاقليمية من اصول اجنبية باسبانيا. كنلقاوهم بشكل كبير فالاحزاب اليسارية والاحزاب القومية الكاتالانية. غالبيتهم من دول امريكا اللاتينية او المغرب او رومانيا
متافق معاك باللي حضورهم فاسبانيا ماشي بحال حضورهم فدول اوربية اخرى٬ لكن يجب التأكيد على ان موجهة الهجرة لاسبانيا بدات من التسعينات ووصلات القمة بين 2005 و2006
راه الهجرة جديدة فاسبانيا. خاص الوقت للحياة السياسية والاجتماعية. راه قضية وقت اولا واخيرا