نجوى المالحي-كود//
الملل ديال الحجر الصحي خلا سلمى رشيد تفكر أنها تقلبها مسابقة ديال الغناء عبر حسابها في انستكَرام، ومن خلالها غادي تختار أحسن الأصوات، وغادي يربحو إنتاج أغنية خاصة بيهم بالإضافة لجوائز أخرى.
المسابقة وكيف وصفاتها سلمى رشيد غادي تكون عبارة عن كوفر لأغنية “أه-ياليام” جنريك مسلسل “سلمات أبو البنات” ولي من خلالها غادي يتم اختيار 6 ديال الأصوات المتميزة.
وغادي تكون المسابقة في أنستكَرام وبهاشتاگ خاص، والفيديو لي غادي يحصل على أكثر لايكات وتفاعلات وتعليقات هو لي غادي يكون الفائز بالمسابقة.
طبعا، هادشي لي دايراه سلمى، حتى هو محسوب على داك المسابقات لي ولاو يديرو فهاد رمضان ومع ازمة كورونا، باش يجمعو المتتبعين، وتزاد قيمتهم “السوقية” فانستكَرام، والاشهار يجيب الفلوس كثر.
