نجوى المالحي-كود//

علمت “كود” من مصادر مطلعة أن المسؤولين على قناة “mbc5” لي موجهة للمغاربة والمغاربيين بصفة عامة نايض عندهم صداع حقيقي، والقضية غادة وكتحماض، وكيفكرو كيفاش ينقلو المقر ديال تصوير من مصر لي نايضة فيها ضد رئيسها السيسي.

التبركيكة لي جابت “كود” كتقول أن المقر غادي يحولوه للبنان فين كين الاستوديوهات لي كتصور البرامج الكبيرة، عوض مصر، خصوصا أن المنتوج النهائي كيتقدم المغاربة بطريقة بحالا مصورينو بكالكولاتريس.

دابة المفاوضات خدامة باش يتحولو من مصر، حيت بزاف ديال الفنانين مابقاوش باغين يمشيو وخايفين، زيد عليها صدمة المسؤولين بعدما رفض المغرب يخليهم يصورو هنا وهادشي لي كلفهم فلوس صحيحة.