كود عن صحف اسبانية ///

المرشح الوحيد لرئاسة الحزب الشعبي الصبليوني المعارض البيرطو نونييس فييخو اعتبر ان التغيير الجذري فالسياسة الخارجية “امر طائش” وبلا دعم كافي. فييخو كيهدر على تغيير الحكومة الصبليونية لموقفها من قضية الصحراء. دابا ولات مع مغربية الصحرا عبر دعم مبادرة الحكم الذاتي اللي كان اقتارحاتها الرباط ف2007. 

واضاف فييخو ان قرار بحال هادا واللي كيهم السياسة الخارجية للدولة كان خاصو توافق واستشارة

فييخو اللي كان كيهدر ول لبارح فلقاء حزبي ببلد الوليد وصف موقف الحكومة بالقرار الاحادي الجانب. المسؤول الحزبي بغى “موقف واضح” ما فيهش “غموض” من المغرب بخصوص سبتة ومليلية واعتبارهم اسبانيتين٬ كما انتقد اخبار حكومة سانشيث المغرب اولا قبل الاسبان

الحزب الشعبي ما كانش عندو موقف ضد هاد القرار الحكومي. ما عبرش على رفضو ليه كيف دارت احزاب مدعمة للتحالف الحكومي.