نسبة المشاركة فالانتخابات الجزئية بـ”دائرة فاس الجنوبية” وصلات غير لـ6.05 فالمية وها شحال اللي صوتوا حتى لـ5 ديال لعشية
كود كازا//
المارشي ديال العقار كيتحسن شوية بشوية من آثار جايحة كورونا فالسبليون، لكن واخا الأزمة، المغاربة المقيمين تماك هوما من بين الأجانب اللي استطعو يشريو المزيد من الديور.
فالربع الثاني، من بين الأجانب كيتعتبرو البريطانيين هوما اللي شراو اكبر قدر من المنازل فالصبليون، بنسبة 9,5 فالمية، واخا هذ النسبة طايحة عندهم بالمقارنة مع بدارة العام (12,11 فالمية)، كيجيو بعدهوم الالمانيين ب9 فالمية، والمغاربة فالمركز الثالث ب8,3 فالمية، والفرانساويين ب7 فالمية، والرومانيين ب6,1 فالمية.
وجزر البليار وجزر الكناري هوما البلايص اللي شراو فيها الأجانب بزاف، بنسب 29.8 فالمية و23.9 فالمية على التوالي.
وحسب تحليل لاتجاه السوق بين ابريل ويونيو اللي فاتو، كيبين استحوذ الأجانب على 10 فالمية من المعاملات، من 9,7 فالمية اللي تسجلات فالربع الأول، مع زيادة فالقيم المطلقة (13 ألف و600 معاملة مقابل 12 ألف و200 معاملة فالثلث شهور اللولة من العام).