كود احمد الطيب كود ////
وزير الخارجية والتعاون صلاح الدين الفعفاع خاصو يتحاسب على فضيحة قنصلة المغرب في اورلي الفرنسية. مزوار وفق مصدر ل”كود” عارض تغيير هاد القنصل وكان فراسو فضايحها وفضايح اخرى حتى قبل ان يدشنها الملك محمد السادس السنة الماضية باش قدموها ليه كقنصلية نموذجية
مصدر “كود” قال ان الموظفين بعثوا باحتجاج على تصرفاتها الا ان الخارجية اللي كان ومازال يرأسها الفعفاع ردات عليهم “غير صبرو يفوت النشاط الملكي وكلشي تصلح”. طبعا داز هاد الشي بلا ما يتصلح شي حاجة. اكثر من ذلك فحتى عندما ارتفعت اصوات ضدها وبغاو يغيروها كال ليهم الفعفاع ما تقربوش القناصل يالله عينتهم.
ها انت عينتيها وخرجتي على صورة المغرب بيها ودابا حتى اللي عينو فالمغرب ركب عليها وخاصك تحاسب على هاد الشي