كود كازا ////

الفرنساويين تالفة ليهم القردة هاد ليام. الارهاب الداعشي اللي ضربهم باش ناض شيشاني من الدواعش قطع راس استاذ التاريخ تلفهم كثر. فالنقاشات العمومية عندهم بان الملك الراحل الحسن الثاني. هاد الشي كان فقناة “سي نيوز” الاخبارية اللي كانت كتناقش “كيفاش تعاود وطن مع النزعات الانفصالية”. القناة جابت حوار قديم كان دارو الحسن الثاني مع نجمة التلفزيون انذاك ان سانكلير. فيها سولاتو على الاندماج فقال ليها جوابو الشهير الصادم اللي قال فيه باللي ولاد بلادو وناسو لمغاربة “ما عمرهم يكونو فرنسيين”.

فالبلاطو طبعا ردو على الملك الراحل وقالو باللي كلامو ماشي دقيق والدليل كاينين ناس كثار من اصول مغاربة مندمجين وولاو فرنسيين.

المهم ما طرحه الراحل هادي سنوات مازال عندو انيتو بغض النظر واش كيأكدو الواقع ولا اللا