سامي العلوي – كود كازا //

من نهار علن الوكيل العام ديال الملك فمحكمة الاستئناف ديال كازا فتح التحقيق في الفضيحة ديال “أوديو القضاء” اللي هزات الرأي العام هادي شي سيمانات والفرقة الوطنية للشرطة القضائية بالدار البيضاء ماحطاتش يدها ومزال كتعتقل فالمتورطين فهاد الفضيحة من سماسرية وموظفين.

مصادر “گود” أكدات أن “لاپيجي” طيحات ريزو واصل دابا عدد المتورطين فيه 17 منهم موظفين فالمحكمة الابتدائية الزجرية ديال عين السبع، واحد منهم كيخدم فمصلحة المراسلات الداخلية بالنيابة العامة وعاملة نظافة وموظفة بمحكمة الاستئناف وسماسرية من منطقة دار بوعزة أحدهم يملك شاحنة لنقل الرمال.

المصدر ذاته قال بأن هذه الحملة التطهيرية التي شنتها عناصر الفرقة الوطنية لشرطة القضائية بتعليمات قضائية مزال غادي تبقى مستمرة لتوقيف كل من ذكر في التحقيقات التي باشرتها عناصر الضابطة القضائية المكلفة بالتحقيق مضيفة ان عدد المعتقلين مرشح للارتفاع.