كود الرباط//

راس الام قريب، والفرحة غاتعم  الموظفين التابعين للمديرية العامة للأمن الوطني، بحيث أن عبد اللطيف الحموشي، أصدر مذكرة لتعميم المنحة الاستثنائية على الموظفين والموظفات لي خدام ف البوليس.

هاد المنحة ديا سنة 2019، غايستافد منها أزيد من 70 ألف موظا وموظفة لي خدامين مع المديرية العامة للأمن الوطني.

وحسب مصادر “كود” فإن “هاد المنحة جات تقديرا للجهود لي بذلوها العاملين والعاملات بسلك الأمن، خصوصا في وان المغرب ناجح في السياسات الأمنية الاسبتاقية وقهر الدواعش”.

هاد المنحة جات ف سياق مهم مرتبط بالتحولات الإدارية والبشرية لي طرات على إدارات الأمن بمختلف بقع المملكة، خصوصا بعدما كلف الحموشي فرق خاصة باش مهام كثيرة ف عدد من الجهات والمدن، ومن ضنها جهة سوس لي فيها مجهودات كبيرة لرجال الأمن استعدادا للزلزال لي غادي يهز عدد كبير من الإدارات والمشاريع بسوس بعد الخطاب الملكي الأخير.