الشبكة اللي كيتزعمها سوري ونصبات على بنات ففاس واستغلاتهم فالدعارة مشات تغراق حبس: الوكيل العام دوزها مباشرة لغرفة الجنايات والضحايا وصلوا لـ16
كود كازا ///
نفى العميد السابق بالنيابة لكلية الحقوق بمرتيل حمزة فارس ل”كود” ايقافه بباب سبتة وقال العميد السابق ل”كود” “هاد الشي ديال كنت هربان من باب سبتة كذوب. وطبعا قضية توقيفي غير اشاعة”. واكد ل”كود” انو “ما عمرو توقف وما عمرو اصلا سافر فالمدة الاخيرة”
وفي سؤال ل”كود” حول مروجي هاد الاشاعة وعلاش روجوها قال حمزة فارس ل”كود” “راني كنت عميد فمؤسسة لمدة اربع سنين وباش كتكون مسؤول كتخلق ليك المسؤولية اعداء”
العميد السابق اوضح ل”كود” ان جواز سفرو ما محجوزش وانو يمارس حياته الطبيعية ومواضب على الرياضة. بخصوص تأثير ذلك على مورالو قال ل”كود” “قبل كان تأثير اما الان ما بقاش يؤثر علي هاد الشي
العميد السابق قال ل”كود” انه قرر متابع كاع المنابر اللي خرجات عليه اشاعات “راني درت كاع الاجراءات القانونية وغادي نتابع اللي نشر علي اشاعات”٬ مشيرا في الوقت نفسه انه يثق فالقضاء.
وكان تحقيق عندو بتوظيفات بمقابل فجامعة عبد المالك السعدي. موظف معتقل فجرائم الاموال باستنافية الرباط جبد اسمو فتحقيقو مع اسم الكاتب السابق للجامعة