عمـر المزيـن – كود///

عرفات “كود” العروسة اللي تزوجات بالحاخام الإسرائيلي “ليفي دوشمان”، واللي دارو مؤخرا أضخم عرس في الإمارات العربية المتحدة بحضور أزيد من 1500 ضيف، بما في ذلك كبار الحاخامات وكبار الشخصيات الإماراتية.

وحسب ما علمته “كود”، من مصادر مطلعة، فإن العروسة من أصول مغربية، وكتنحدر من مدينة كازا، وإسمها “ليا حداد”. وقالت مصادر “كود” أن الوالد ديالها مغربي وكيصلي بالتقاليد المغربية وإسمو “الحاخام حداد”.

تقارير إعلامية إمارتية وصفات هاد العرس بـ”أضخم حفل زفاف” لحاخام يهودي في العاصمة الإماراتية أبوظبي، وحضرو ليه إسرائيليين وإمراتيين، من ضمنهم ولاد العائلة الحاكمة، وكولشي كان فرحان بالعرس اللي أكد مرة أخرى على اهمية التسامح بين الأديان واحترام الاختلاف.