الرئيسية > آراء > الظلاميين هاجمين على الرمضاني و كايقولو عليه كايجيب غي أدومة و الطراكس و مايا ! في حين انه نفس الكرسي لي حطات عليه الطراكس ترمتها حط عليه رضوان بن عبد السلام ترمتو و عبد الكريم الشاذلي ترمتو و الفيزاري و رئيس الحكومة السابق بن كيران ! ووزراء و رياضيين كبار و فنانين و و و !
06/04/2020 12:00 آراء

الظلاميين هاجمين على الرمضاني و كايقولو عليه كايجيب غي أدومة و الطراكس و مايا ! في حين انه نفس الكرسي لي حطات عليه الطراكس ترمتها حط عليه رضوان بن عبد السلام ترمتو و عبد الكريم الشاذلي ترمتو و الفيزاري و رئيس الحكومة السابق بن كيران ! ووزراء و رياضيين كبار و فنانين و و و !

الظلاميين هاجمين على الرمضاني و كايقولو عليه كايجيب غي أدومة و الطراكس و مايا ! في حين انه نفس الكرسي لي حطات عليه الطراكس ترمتها حط عليه رضوان بن عبد السلام ترمتو و عبد الكريم الشاذلي ترمتو و الفيزاري و رئيس الحكومة السابق بن كيران ! ووزراء و رياضيين كبار و فنانين و و و !

سهام البارودي – كود//

الصحفي رضوان الرمضاني كايتعرض لواحد الحملة بشعة من طرف الظلاميين لي عايشين معانا ! دوك الناس لي مع هاد الفاجعة ديال كورونا لقاو راسهم فجأة فالتوش ! هوما لي حياتهم كاملة و هوما عايشين على اساس انهم مهمين بزاف للمجتمع و كايروجو لديك الهضرة ديال ” بغينا مساحة فالاعلام” ” بغينا العلماء ديالنا يبانو” ” حنا عندنا الحل لجميع مشاكل المجتمع” و كايصحاب راسهم راه عندهم الحقيقة الكاملة و قادين بما أوتو من كوتوكوتو يعالجو اي مشكل او وباء او قضية اجتماعية ! و مع اول مأزق لقاو راسهم فالتوش ! كلشي قال ليهم تسوخرو عافاكم و خليو الناس د العلم الحقيقي يهضرو ! حيدو نتوما و هضرتكم و الكوتوكوتو لي فالحين فيه و خليو الاطباء و العلماء دبصح يدويو ! و لاحظو كيفاش انه المجتمع كايلفظهم حيت الغميق ديالهم مابقاش واكل!
مارضاوش!
مارضاوش!
آو ! كيفاش هادشي ؟! كيفاش كاتقولو لينا حنا ماصالحين لوالو ! و الكوتوكوتو ديالنا ماصالح لوالو ! كيفاش غادي تفضلو على الكوتوكوتو ديالنا النشيد الوطني ؟! كيفاش غاتفضلو على الكوتوكوتو ديالنا الهضرة د الأطباء و العلم و المنطق ؟! كيفاش حتى تقصينا من المعادلة و حنا من ديما مآمنين بأنه حنا لي كانمتالكو الحق و الحقيقة ؟!

راه خاصك تفهم سيكولوجية الانسان الظلامي باش تعرف شنو طاري فيه هاد الايام ! فحال داك لي باش يصيد شي بنت كايبقا عليها ” نشدك نمحنك” و نهار وصل معاها للفراش لقا راسو كايعاني من الضعف الجنسي! من ديما نافخ علينا سدرو و فارع لينا راسنا بالامجاد و العلماء و احسن أمة و فاش طاح للضس لقا راسو اليوم مع هاد الجائحة د كورونا داك ” العيلم” ديالو كامل ماصالح لوالو كونكريطمو ! و ديك قوة الهضرة العاطفية و القصص الخرافية و الثقة الكذابية لي عندو فراسو ماكاينيش! صدقو وهميين! كايتخايلهم غا فمخو ! لقا راسو فعلا ماساوي والو فسوق البشر و بلي الدور ديالو فالمجتمع سالا شحال هادي يامات نوضو ترگدو !

و هادشي علاش كاتشوفوهم سونسيبل بزاف هاد الايام فوسائل التواصل الاجتماعي فحالي قبل مايجيوني ليغيگل و لي قاليهم ” آش داكشي تما آ الشرفا ؟ وا فين ديك الهضرة ديالكم ؟! كاين شي دوا لكورونا عندكم و لا والو ؟!” كاينوضو يتباكاو عليه هادشي لاماسخنش عليهم راسهم و كفروه و قصاوه سبوه بأبشع النعوت فحالي وقع للرمضاني!

و باش كايسبو الرمضاني ؟ بالتفاهة قاليك ! باش تعرف بلي العقلية الاقصائية دينمها كاتبقى ديما اقصائية ! ماكايحملوش يشوفو الآخر هوما ! مايا الراقصة تافهة ! الطراكس تافهة ! أدومة تافه ! هاد الناس هادو ماكرهوناش واقيلة ندفنوهم حيت كايشوفو فيهم هوما ” وسخ” “نجس” فحالا المغرب مافيه شيخات من زمان ! مافيه مثليين ! مافيه لادينيين ! لا هوما كايقولو ليك كاينين ولكن ماخاصهمش يبانو فالاعلام ! خاصنا نقصيوهم ! نخبيوهم في انتظار يكون عندهم شوية د السلطة باش يقدرو يدفنوهم حيين! ياك آ المرضي ؟! و شكون قاليك انا كمشاهدة ماباغاش نشوف دوك الناس و نسمع ليهم و نعرف حياتهم عن قرب ؟! شكون عطا لمك السلطة باش تحدد شكون لي تافة و لي ماتافهش ؟! شكون نتفرجو فيه و شكون مانتفرجوش فيه ؟! منين جبتي هاد الوصاية لي باغي تمارسها على المجتمع ؟! واش يا دينمك يصحابليك راسك فكوريا الشمالية ؟!

ثم آجي لهنا يا الظلامي يا الكذيذيب يا لي موالف تلوي عنق الحقيقة! شفتي غي مايا و الطراكس و أدومة ؟ ماشفتيش المفكر عصيد لي جابو الرمضاني ( ههه لا عصيد ماكايحملوهش ناري شكون جبدت تانا ) واخا ماشفتوش الحلقة د نجيب المختاري ؟ د مصطفى سوينگا؟ البرلماني بالافريج؟ ماجابش ليكم الرمضاني رضوان بن عبد السلام ؟ عبد الكريم الشاذلي من شيوخ السلفية الجهادية ؟ الوزير محمد الوفا ؟ الوزير الحسن الداودي ؟ رئيس الحكومة السابق عبد الاله بن كيران ؟الوزير محمد حصاد ؟ الوزير الوردي ؟ الوزير محمد مبدع ؟ الوزير الرميد ؟ الوزير لحسن حداد ؟ ماشفتيش الحلقة ديال الفنان نعمان الحلو ؟ المدير السابق للمركز السينيمائي المغربي نور الدين الصايل ؟ بادو الزاكي ؟ الخلفي ؟ رئيسة جمعية ماتقيسش ولدي نجاة انور ؟  فيناهوا الانصاف لي كاطالبو بيه ؟ ماشفتوش هاد الووزارا و الرياضين و المفكرين و الصحفيين لي جاب و حتى دياولكم حطو تراميهم فوق داك الكرسي لي حطات فيه الطراكس ترمتها ؟!

الشجاعة لي عند الرمضاني باش يجيب هاد الناس كاملين على اختلاف مشاربهم و آراءهم و ايديولوجياتهم ماكايناش عندكم نتوما لي باغين تقصيو أدومة غا حيت ” أدومة” و نتوما فيكم أدومات بزااااااف مخبيين ديك تأدوميت ديالهم ورا اللحية و الجلابة ! الرمضاني جاب الوزير و المفكر و الداعية و الراقصة و الشيخة و الممثل و المغني …. جاب المغرب كامل لداك البرنامج بمختلف تلاوينه و ماقصا تاواحد ! ماشي المغرب لي بغيتوه نتوما يكون و كاتخايلوه ! المغرب الحقيقي لي نتوما فلداخل ديالكم ماراضينش بيه …

موضوعات أخرى

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون