الرئيسية > كود سبور > الطيارة ديال الفتح كانت غادة للرباط صدقات نازلة في مطار كازا
02/10/2017 14:49 كود سبور

الطيارة ديال الفتح كانت غادة للرباط صدقات نازلة في مطار كازا

الطيارة ديال الفتح كانت غادة للرباط صدقات نازلة في مطار كازا

كود : أحمد الطيب//

اضطر ربان الطائرة ديال الفتح الرباطي لكان جايبهم من الكونغو، باش انزلهم في المطار ديال كازا، وخا هما كانوا غادي للرباط، ولكن مقدرش اكمل بيهم بسباب الضباب لكان في السما هاد النهار.

الربان تكلم مع البعثة ديال الفتح في المكبر الصوتي وقاليهم غادي تسمو ليا منقدرش نديكم للرباط، كاين الضباب بزاف غادي نزلكم في مطار محمد الخامس، لأن الممرات ديالو فيها الضو مزيان، أما مطار الرباط الممرات ديالو ميقدرش انزل فيهم، ومغاديش ابانو ليه.

والربان أكد لبعثة الفتح أن الضباب مخلاهش اكمل الرحلة وخام بقا ليهم والو، خصوصا أن الضبابة كانت بزاف في الصباح الباكر، لأهم وصلو مع 6 ديال الصباح، وكان باقي الظلام والضباب الكثيف.

واضطرو مسؤولين ديال البثعة باش اتاصلوا بسائق الحافلة ديال الفريق لكان كيتسناهم في مطار الرباط باش اجي عندهم لمطار ديال كازا، ومن تماك اديرهم للرباط.

وبعض اللاعبين والصحافيين لكانوا مخلين السيارات ديالهم في المطار ديال الرباط طلبوا من السائق اوصلهم للمطار باش اياخدو السيارات ديالهم.
الفتح كانوا في الكونغو باش لعبو ذهاب ثمن نهائي كأس العرش مع فريق مازيمبي وخسروا بواحد لزيرو، ومباراة الإياب غادي العبوها في الرباط

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها