29/03/2024 09:42
السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة
وكالات //
ماتت الطوبة الإفريقية الكبيرة “ماكَاوا” (Magawa)، اللي عندها بزاف ديال الجوائز حيت عتقات الآلاف ديال الناس من خلال اكتشاف الألغام بفضل حاسة الشم ديالها المجهدة.
الطوبة عاونات الجهات المختصة فكمبوديا باش يكتاشفو على المتفجرات فأراضي ومساحات كبيرة بزاف، اللي وصلات لما يعادل 42 تيران ديال الكورة.
ولمدة 5 سنين كانت الطوبة ستار ومعروفة عبر العالم، وشدات لاروتريت من السربيس ديالها فشهر يونيو، بعدما نجحات فاكتشاف 100 مينا وعدد كبير من المتفجرات الأخرى.
وعلى حسب ما قالت منظمة “أپوپو” (APOPO)، وهي منظمة بلجيكية غير حكومية متخصصة فتأهيل حيوانات للكشف على الألغام الأرضية، فإن الطوبة ماتت الويكاند اللي فات وكان فعمرها 8 سنين.