الرئيسية > ميديا وثقافة > الطنز والضحك على الناس هو هذا.. بلوكَوز مخلصات على الإشهار وكَالسات يكذبو بحالا المتابعين كيرضعو صباعهم
12/01/2020 20:00 ميديا وثقافة

الطنز والضحك على الناس هو هذا.. بلوكَوز مخلصات على الإشهار وكَالسات يكذبو بحالا المتابعين كيرضعو صباعهم

الطنز والضحك على الناس هو هذا.. بلوكَوز مخلصات على الإشهار وكَالسات يكذبو بحالا المتابعين كيرضعو صباعهم

نجوى المالحي-كود//

هاد عالم “التأثير” في انستگرام كيفما بدا خاصو يسالي. عالم فيه بزاف ديال الكذوب والاستغلال. وهادشي كيزيد يبان نهار على نهار. وكيبان أن بعض الوكالات  في المغرب مازال زايدة في الطنز ديالها وكتعتبر المغاربة واقيلة مكلخين وفهمهم ثقيل.

البارح مع جوايه 8 دالليل 6 ديال البلوگوز بداو في دقة وحدة كيدويو على واحد المنتوج الجديد لي كيروجو ليه هادي 15 اليوم كأنهن معارفينوش وبداو كيشكرو ويدويو بواحد الطريقة مستهلكة وبنفس الكلمات بحالا حافظين شنو غادين يقولو.

المؤسف في الامر أن هادو لي عندهم كثر من 200 ألف في الحساب طنزو على بنادم وبداو كيكذبو بوجهمم صحيح. وكيحلفو أنهم ماكانوش عارفين المنتوج وأن لاجونس لي سيفطات ليهم البواطة دارت كونسيبت زوين.

والتبرگيگة لي جابت “كَود” أن صفاء حبيركو لي كتقدم برنامج “لالة العروسة” قبلات تشارك في هاد الحملة مقابل 30 ألف درهم حيت عندها كثر من 3 مليون متابع وسميات الآخرات بحال سحر الزروالي وسناء بودا، وحنان دايلي وشي وحداخرات عندهم علاقة بالماكياج شدو نص المبلغ مقسم على 2 دفعات.

بزاف ديال المتتبعين انتقدو هاد الطريقة لي فيها الكذوب بحالا هاد الناس لي متابعينهم كيرضعو صباعهم، واعتبرو أن الأمر فيه تقليل منهم، ولامو الشركة ووكالة التواصل لي دارو هادشي بطريقة خلاتهم يفقدو المصداقية ديالهم، حيت في نظرهم الماركوتينكَ عندو قواعدو ماكيكونش بهاد الطرق البليدة.

موضوعات أخرى

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون