اسماء غربي موفدة كود الى مراكش
من بعد ما كتبت الصحافة الوطنية على تهميش اللغة العربية في الندوات، توصل شي مسؤول فالمهرجان الدولي للفيلم بمراكش إلى فكرة في غاية البلادة وهي أن بعض الأجانب اللي كا يطلعو باش يهضرو فوق المنصة يتكلمو 2 كليمات بالعربية وكانت من بينهم فحفل الاختتام رئيسة لجنة التحكيم إيزابيل هوبير. .. في محاولة زعما باش يبينو باللي لا يوجد أي تحقير للغة العربية. لهاد الناس بغينا نكولو هادا راه تا نسميوه الطنز العكري. ماشي يهضر أجنبي بالعربية ولا بالدارجة شي حاجة كبيرة غادي تفرحنا لأننا حنا ماشي شوفينيين أو متعصبين، خاصة أن المغاربة معروفين بأنهم منفتحين على جميع اللغات والثقافات. ..كما أن الفرنسية في حد ذاتها ما عندناش معاها موشكيل. .. المشكل الحقيقي هو السيطرة والهيمنة الفرنسية على مهرجان مغربي وتهميش الطاقات المغربية وتحقير الفنانين والصحافيين المغاربة…